上次特登坐40分鐘車去跑馬地食早餐都未夠癲，今次玩挑戰耐力去添好運食點心！由排隊拎飛直至就坐埋位，足足等左100分鐘，真係少啲耐性都唔駛旨意有得食。添好運由前四季酒店龍景軒主管掌舵，食物水準有信心保証，加上米芝蓮效應同旺角平民價，要等咁耐先至有得食係意料中事，但值唔值得就真係見仁見智...
云云點心之中，以呢個春卷較為特別。呢個山葵味其實都幾強烈，但用茄汁剛好中和果種嗆鼻嘅山葵味道，效果竟然有意想不到嘅感覺，加上新鮮脆口，實在無得頂！
![]()
|
| 煎臘味蘿蔔糕高水準之作 |
咬落口食到一堆新鮮蘿蔔絲，口感非一般酒樓出品能夠媲美，而且食落去亦無一大堆粉糰果種膩口感覺，細味亦感愛到蘿蔔嘅甜同埋臘肉鹹香，實在同大記一樣都係高水準作品，非常好食～
![]()
呢度其實最人氣嘅係黃沙豬潤腸，不過我唔喜愛所以無叫到，而改叫呢個鮮蝦腸粉。腸粉皮好滑好薄，晶瑩剔透，入面嘅鮮蝦亦夠爽口彈牙，味道算係唔錯，但又未去到唔食有損失嘅地步...
![]()
|
| 麵醬牛肉蒸茄子好入味 |
由於我本人幾中意食茄子，所以見到呢個點心亦自然選擇去叫。麵醬茄子好入味，不過食落去感覺都幾油膩，而且會幾飽肚，所以想試多幾樣點心嘅朋友就唔建議去試...
![]()
|
| 家鄉咸水角極出色 |
自細飲茶都好中意食咸水角，所以黎到呢度當然唔會錯過。咸水角我不在乎個餡料，但呢隻外層果種獨一無二嘅口感，係我多年食過咁多間之中最好食，絕對無誇張，有機會你自己親身咬一啖就明白...
![]()
|
| 陳皮牛肉球抵食到暈 |
牛肉球唔係硬到實一實果種，味道都有水準，賣相嫩粉紅色亦吸引，不過講真就食唔到咩陳皮味，但為求飽肚的話，絕對抵食啦～！
![]()
呢個係咁多樣點心之中最無特別，味道亦只係不過不失，鮮蝦雖然彈牙爽口，但燒賣本身完全無肉味，如果你本身係燒賣癡的話，更加唔建議你去食，費事令你希望愈大，失望愈大...
![]()
|
| 糯米雞用料豐富 |
糯米雞打開後一股熱氣蒸出黎，夾雜住糯米飯清香，絕對吸引。而且飯粒食落煙韌，餡料亦相當豐富，好味！雖然已比舊年同期價錢加左唔少，但比起連鎖快餐店大乜乜果啲好食好多倍...
![]()
|
| 鎮店之寶酥皮焗叉燒包 |
黎到添好運如果唔食呢個酥皮焗叉燒包，我覺得之前排隊係等於浪費。事實上呢個叉燒包實在太精彩，出面果層好似墨西哥嘅酥皮牛油味十足，咬落去果下香脆感覺實在令人回味無窮...
![]()
|
| 香脆感覺實在令人回味無窮 |
叉燒餡個蜜汁豐盈，同個酥皮配合埋絕對係天衣無縫，絕對稱得上係鎮店之寶。而且價錢抵到爆，計落都係$4一個，怪不知見到咁多人一口氣叫多幾碟打包拎走啦...
![]()
添好運甜點選擇唔多，而較吸引嘅就有呢個杞子桂花糕。桂花糕入面夠晒足料，甜味剛好但略嫌香味差少少，整體黎講其實味道唔錯，只係我不其然同大記果啲糕點相比，呢度又確實係輸蝕左啲...
添好運點心專門店旺角廣華街2-20號翠園大樓2期地下8號舖
![]()
|
| 山葵茄汁魚柳春卷好驚喜 |
============================================
感謝 kent1012 提供以上資料
kent1012http://www.kentxfood.com/
============================================
