法國飲食權威米芝蓮近期將"阿鴻小吃"評為一星級食肆，令呢間小小食館平地一聲雷，成為灸手可熱嘅人氣食肆。去年米芝蓮評分上極受質疑，到底阿鴻係實至名歸定係鬼佬唔識食呢？今日專登走訪一次，睇下到底掂唔掂先～～
[caption id="attachment_726" align="aligncenter" width="300" caption="滷水去骨鴨舌"]
![]( "1")
[/caption]
本來唔係想食滷水鴨舌，而係想食鴨下巴，可惜又係被一群瘋狂嘅食客一早掃清。不過呢個滷水去骨鴨舌真係唔失禮，鴨舌肉身嫩滑，麻醬濃中帶少少糖甜味，香港真係少數搵到咁好味嘅鴨舌～正！
[caption id="attachment_727" align="aligncenter" width="300" caption="鵝肉腩肉飯"]
![]( "2")
[/caption]
本來想叫鵝片飯，但無奈開舖不足三小時已迅速賣晒，最後經老闆娘推介叫左呢個鵝肉腩肉飯。份量好有睇頭，鵝肉甘香好味，但唔算有太大驚喜，反而腩肉肥瘦均勻，滷水味岩岩好，比起鵝肉更搶鏡～好掂！
[caption id="attachment_728" align="aligncenter" width="300" caption="芥末雞腳筋"]
![]( "3")
[/caption]
呢味”芥末雞腳筋”如果黎到唔叫黎食，我就覺得真係好似冇黎過阿鴻食野一樣。芥末入口好香，但又唔會過火位，腳筋咬落爽口煙韌，真係好味到不得了～絕對係推介之中嘅推介！好正呀～～
[caption id="attachment_729" align="aligncenter" width="300" caption="滷水鴨腎"]
![]( "4")
[/caption]
滷水鴨腎冇乜特別，只係個人喜好問題而order，不過水準正如其他滷水野一樣咁好。大家黎到可以留肚食其他，唔駛叫呢樣～
[caption id="attachment_730" align="aligncenter" width="300" caption="招牌撈麵"]
![]( "5")
[/caption]
店中另一名物"招牌撈麵"，其實係XO醬撈粗麵，配上銀芽，蔥，金華火腿絲而成。麵身入口彈牙，整體味道幾濃，都唔錯，只係略嫌$40貴左少少～另外仲有一款名為蔡瀾撈麵，其實只係以豬油，豉油代替XO醬，中意食豬油嘅朋友不妨試下～
![]( "6")
試左幾味食品後，真心覺得"阿鴻小吃"係絕對值得大家黎試一下，但並唔代表我讚同米芝蓮評分制度嘅可信性。點都好啦，總之大家食得開心就得，所有評分都係冇意義～
阿鴻小吃
北角和富道84-94號銀輝大廈地下4號舖
============================================
感謝 kent1012 提供以上資料
kent1012http://www.kentxfood.com/
============================================
