專程坐60分鐘船去耀船灣食海膽, 就算冒住寒風同微微細雨亦在所不計, 這次行程果然冇令人失望, 仍然回味中~~~
![]()
|
即開即食海膽 |
呢個即開即食的海膽同平時在日本壽司店見到的外型上有少少分別...聽養殖場老闆所講, 出面多數係海刺, 唔係真的海膽...究竟點分別? 我掛住等食唔記得問...XD
![]()
海膽放在手上睇左一段時間, 始終看不出有咩分別, 但老闆話真正的海膽是無腥臭味的, 呢個當然冇那種味道...哈! 事實上真係好正~~~
![]()
海膽係用來食的, 唔係欣賞的....入口口感好正, 少少海水味令感覺更加充實, 絕對冇果種腥臭味, 唔食海膽的朋友們, 你可能以前食既係海刺, 來這裡認識一下真正的味道吧!
![]()
|
大眼螺 |
呢碟大眼螺同樣係海膽養殖場的產品, 外型雖然較奇特, 口感跟翡翠螺好相似, 但味道似乎唔係我杯茶, 吃一兩隻還可以的~
![]()
大眼螺碟中藏有幾隻蚌, 入面仲有一粒未完全成形的珍珠!
![]()
|
海膽小籠包 |
賣相非常好的一個美食, 不過真實情況似乎有點失望, 包子內的海膽和豬肉起不了什麼化學元素, 而且肉汁不夠豐富, 味道只是一般而已
![]()
|
海膽紫菜春卷 |
這個真的好味!! 我們邊吃熱藤藤的春卷時, 邊嚷著稍後要來多一客, 可想而知好味程度如何~~
![]()
春卷外皮香脆不油膩, 咬下去海膽味跟紫菜味一湧而上, 口感滿分, 難怪個個食到停唔到口
![]()
|
海膽玉子豆腐 |
這個外貌令我想起賽螃蟹, 每粒玉子豆腐上面有一大堆海膽, 賣相實在爆燈味道當然NO.1!!
![]()
再來一張大特寫, 一向唔中意食玉子豆腐的我也忍不住食多幾口, 哈~~妙!
![]()
|
海膽蒸蛋白 |
這個不是蒸水蛋, 而是好味到極點, 最後要來多一客的海膽蒸蛋白, 整碟底部都是一層約半公分厚的海膽餅底, 上面都是又熱又香又滑的蛋白, 加上味道恰到好處的秘製豉油, 有機會一定要再食多次!!!!
![]()
海膽蒸蛋白大特寫, 一口日本清酒, 再來一口海膽蛋白, 很滿足....哈!!!
![]()
|
椒鹽大尾魷 |
唔好以為呢度只有海膽好味, 呢個椒鹽大尾魷簡直令人拍案叫絕, 椒鹽份量剛好, 冇將大尾魷的鮮味蓋過, 每條入口都會令人有很高興的感覺, 成班人最後放棄用筷子了...用手食倍感豪快~爽!!
![]()
加重份量的大尾魷, 另一角度再來一張, 係唔係好想食呢?
![]()
|
海膽炒飯 |
一見到個碟頭已經嘩左一聲!! 好大碟呀!!! 冇錯...真係好大碟, 但用料十足, 包保你啖啖有海膽, 而且飯粒炒得夠乾身, 就算飽都想食多兩碗~~
西貢耀船灣東丫村
============================================
感謝 kent1012 提供以上資料
kent1012http://www.kentxfood.com/
============================================
