8 「創新科技嘉年華2015」

「創新科技嘉年華2015」

科技同你嘅生活息息相關，隨時就喺你身邊！心郁郁想接觸多啲科技新知嘅話，親身了解科技嘅機會嚟喇！創新科技署將會喺10月31日至11月8日喺香港科學園舉行「創新科技嘉年華2015」，今年嘅主題係「創新‧科技‧邁向無限未來」。參觀嘅市民可以親身體驗創新及科技嘅最新發展，同埋參與其他精彩嘅 免費活動，包括電動車展覽、導賞團、創科工作坊、「創意科幻密室」主題遊戲、「麥嘜美味互動遊戲」及其他互動遊戲等。

• 11月1日（周日）下晝2點喺主舞台區有電台節目直播，節目主持朱薰、陸永同埋年輕科學家、嘉賓等，同你趣談科技創意。


• 11月7日（周六）下晝3點更會舉行「創新繽紛匯」，到時會有歌手演唱同其他精彩表演 。


• 熱愛運動嘅朋友仲可以參加11月8日（周日）朝早嘅「創新競跑10公里」長跑賽事，同時了解應用喺運動嘅科技。

想知更多關於嘉年華嘅動向及活動報名詳情，請瀏覽嘉年華官方網站www.itm.gov.hk / m.itm.gov.hk！

10月23至25日（周五至周日)，大會更率先喺太古城中心舉行巡迴路演，為嘉年華打響頭炮。到時市民可以近距離欣賞到本地科學發明同得獎嘅學生作品，家長仲可以帶埋小朋友參加創意工作坊，費用全免。

「創意科幻密室」主題遊戲以「環保救未來」及「魔法樂園」為主題，極受一家大細同埋年輕人歡迎。

多項精彩展品配以詳細介紹，加深參加者對科技嘅認識。

會場設有多個展覽，夠參觀者睇足一日！

「創新繽紛匯」會喺11月7日（周六）下晝3點舉行，有歌手及其他表演，男女老少都鍾意睇！

熱愛運動嘅朋友可以參加11月8日進行嘅「創新競跑10公里」馬拉松賽事，參加者會實時量度身體狀況，親身體驗最新嘅體育運動科技。