8 情調浪漫的樓上法菜

熱鬧的銅鑼灣一向是逛街好去處，但當血拼到又餓又累時，相信大家最想一定是找間舒適的餐廳 relax 吓，好好享受一頓美食。筆者當然也不例外，事緣早前見一眾食友到訪了銅鑼灣駱克道的一間樓上法國菜館《Otto Restaurant》，回來後均撰文稱讚餐廳不但食物有水準，而且環境既寧靜又不失浪漫，很適合兩口子來用餐，所以一直躍躍欲試，這天趁出開銅鑼灣 shopping，購物後就特意拉了老公來一嚐箇中滋味。









餐廳位於銅鑼灣港鐵站 C 出口對面的大廈駱克駅 16-17 樓，地方雖然唔算好大，卻佔地兩層，以樓梯連接。樓下用餐環境整潔，而且配上偌大的玻璃窗，景觀開揚。原來登上一層樓更是別有洞天，裝潢雖華而不麗、但感覺高雅，加上柔和燈光營造出頗有情調的氣氛，確實是情侶或朋友聚餐的一個好選擇。







安座後先翻開餐牌，食物選擇頗為豐富，除了散點菜式外，還設有多款精選晚餐，可說是麻雀雖小五臟俱全。先細心研究一吓套餐，每客均包餐前小食、餐湯、前菜、主菜、是日甜品及咖啡或茶，而主菜方面，就有五款選擇，定價由 $398至 $565 不等，另設加一服務費。由於兩口子食量都不大，所以決定只點一客套餐，另散點一份主菜，齊齊分享。



開餐前服務員先送上一籃餐前麵包，香噴噴的小圓包拿上手還是熱暖的，配上氣味芳香的黑松露牛油，挺好吃。至於這晚套餐的餐前小食，就有三款選擇，包括煙三文魚凱撒沙律、精選生蠔壹隻、魚籽蟹肉沙律。老公揀了煙三文魚凱撒沙律，雖則是小食，但成品用料十足，當中包括有新鮮爽脆的羅馬生菜、惹味的煙三文魚、香而不鹹的 Parmesan Cheese 及烤至酥脆的 Crouton，配上店方所調製的沙律汁，食味出眾。



餐湯選了黑松露鮮蠔野菌湯，相信大家對黑松露野菌忌廉湯一定唔會感到陌生，不過原來配上廣島蠔一起烹調，喝起來更加鮮味開胃。服務員非常細心，建議我們先喝兩口湯才品嘗碟中的蠔隻。立即一試，綿滑濃厚的野菌湯，每一口都帶黑松露的香氣；而湯中的廣島蠔，細嚼下更是滑不溜口，充滿蠔鮮味，味道果然出色。



接著是前菜海鮮酥盒，千層酥皮入口鬆脆，用匙舀起餡料一看，原來大廚採用了龍蝦肉及磨菇為材料，以忌廉汁烹調後，釀在特製圓形酥皮盒中，造型小巧的骰，夠曬吸引。嘗一口，龍蝦肉非常鮮美、而忌廉汁亦香甜滑溜，唯一可惜就是酥皮的盒底咬下有點韌，稍微影響口感，否則食味更佳。

主菜上來之前，先享用 Lime Sorbet 清一清味蕾，乳白色的青檸雪葩優雅地坐在雞尾酒杯內，舀起一匙入口，味道酸甜有致，帶清新果香。撥開頂頭的雪葩，原來底層還藏有青蘋果粒和乳酪，綴以旁邊的青蘋果片，吃罷感覺冰涼透心。

吃主菜前，餐廳會提供六款餐刀給客人根據個人喜好自行挑選，可能服務員察覺到我倆都有選擇困難症、個樣心大心細，遲遲未能揀到一把適合自己的餐刀，所以就很誠實地說，其實每一把刀都同樣鋒利，所以隨便揀選就可以了。





先講老公點的西班牙黑毛豬 ($498)，俾著以前，食豬一定會揀十成熟，皆因怕未熟的豬肉會有細菌，但店員卻建議我倆最好揀 5 至 7 成熟。其實初頭都有點心大心細，不過見之前有食友點了 5 成熟，吃過後讚黑毛豬不但肉質嫩滑鮮美、而且肉汁豐盈，所以決定中間落墨，揀了 6 成熟。成品端上桌時，見廚師已代為切件，叉起一試，肉質果然好柔軟，既鬆化又有彈性，肉汁又多，而且入口仲有陣陣橡果的 Nutty 味，吃時只需簡單沾上少許海鹽，已經非常美味。如果自問是濃味愛好者，當然也可試試附上的黑松露燒汁，不過筆者反而鍾情旁邊的蘑菇薯蓉，磨菇入口香氣濃郁，與軟滑的薯蓉相當合襯，加上頂頭烤至微焦的蛋黃醬，讓人吃得滿嘴留香。







至於另外散點的主菜，就是這客以耐熱玻璃紙密封登場的海龍王紙包深海鱸魚 ($268)，大廚非常之有心思，將成品放置於一個韓式石窩內上桌，以保持溫度。服務員先代為剪開玻璃紙，探頭一看，內有四大件肉色雪白的深海鱸魚。立即切開一試，魚脂極其豐厚，充滿魚鮮味，肉嫩得近乎入口即溶，配上外層滑不溜口的魚皮，十分美味，難怪近年不少高級食店都以深海鱸魚作主打菜式喇！撥開魚塊，原來下面還墊有唔少青豆角、意大利黃瓜、鮮露筍、本菇和薯仔等配料，以鮮甜的魚湯伴著吃，確實滋味誘人。





跟餐甜品是藍莓芝士蛋糕，蛋糕口感好軟滑，入口甜甜酸酸，而且帶點清新的藍莓香，加上芝士味唔算好濃郁，所以絕不膩喉，配上 Orange Juice，為這頓飯來了一個完美的作結。

============================================

感謝 mjqueen7e 提供以上資料

mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong

============================================