7 串燒放題夜

上次老公北上公幹，和兒子兩個去了銅鑼灣的《火山燒》吃岩燒石串燒放題，近日有同事提起這裡，醒起老公還沒試過，所以這晚就決定一家人來開餐。沒來一年，發現原來收費已經飆升了不少，每位要 $298，幸好用餐時間更為充裕，可以食足三小時，也算合理。





這晚我們一家人被安排坐在 10 樓，店內佈置和對上一次來，分別不大，格局四正，仍舊以生動又逼真的立體壁畫作裝潢，為餐廳添上繽紛色彩。

餐廳設有 VIP 房，座位寬敞，看起來空間感十足，據說 8 人以上就可以預訂，下次一於拖行馬，約埋班豬朋狗友來  gathering。



由於今次是老公首次到訪，所以這晚就由我充當嚮導，介紹一吓檯面上的「岩燒石」烤爐及餐廳的自家製蘸醬，包括有日式照燒汁、秘製酸辣汁及法國玫瑰蜜糖。



飲品方面，如果想任飲的話，每人要另加 $20，不過款式選擇都幾多，除罐裝汽水外，還有清熱降火的夏枯草同竹蔗茅根海底椰，另外酸甜醒胃的山楂蘋果，味道亦不俗，不過如果想飲朝日啤酒或麒麟啤酒，則每罐盛惠 $30。







至於任點任食方面，一共有 73 項，款式就包括有前菜、宮崎牛、鹿兒島黑豚、土佐雞、水產、野菜及一些較有特色的串燒和小吃。由於有兩個食肉獸在場，所以先由肉食開始，要特別推介宮崎牛肩肉及鹿兒島黑豚腩片，兩款雖然說不上是頂級出品，但前者油花細密、肉味濃郁；而後者燒至微焦後，搽上玫瑰蜜糖，入口帶淡淡甜味，水準亦不俗，多點幾客已經回本。

而老公就讚牛柳粒夠軟身，雖然未至於入口即溶，但簡單塗蜜汁一燒，已令人吃到停不了口。另外切至透薄的豬頸肉都唔錯，夠曬甘香爽口，烤約 2 分鐘即吃最為 Juicy。







水產方面，選擇有多春魚、秋刀魚、鯖花魚、三文魚頭、三文魚骨、青口等等，燒生蠔不是我杯茶，而且賣相看起來唔夠肥大肉厚，不過據說燒製後，入口滑溜帶鮮味，水準亦不俗。墨魚嘴同墨魚鬚串反而更得我心，入口爽彈多汁，簡簡單單灑點鹽燒製，已能吊出鮮味。



















特色串燒和小吃方面，幾乎將餐牌全部掃勻，兒子和我都是雞翼粉絲，手羽串燒當然是首選，雞翼烤至微焦金黃，入口皮脆肉嫩，叫人吃得滋味。另外蒜蓉法包味道亦不俗，入口脆身得來又帶蒜香。而老公就鍾情金菇肥牛串，讚肥牛咬落勁 Juicy，加上金菇充分地吸收了肥牛的油脂，食落惹味香口，吃時記得點埋個日式照燒汁。至於其他心水選擇，就包括有糯米雞肉棒同魚翅福袋，前者雞肉棒，以焦香的糯米包裹着雞肉，口感特別；而後者魚翅福袋，內藏素翅和冬菇絲，烤香後外層脆口又唔油膩，食味一流。









吃完咁多肉食，當然要點番幾串蔬果來平衡一吓，店裡的野菜，選擇包羅萬有，揀咗粟米筍、車厘茄、翠玉瓜、鮮冬菇、雞肶菇、蕃薯仔、三色甜椒、大蔥、秋葵等。燒冬菇串食落幾乾身，不過冬菇味就稍嫌唔夠濃郁；蕃薯仔反而水準不俗，口感軟糯香甜；而秋葵燒至外層微焦後，入口裡面竟然仍帶點黏滑的口感，頗特別，值得一試。



意猶未盡，壓軸一於以一鍋關東煮作結，這裡的關東煮，材料很豐富，而且湯味帶甜，簡單味美。總括來說，這裏的串燒味道出眾，食到唔停得口，雖然以這個價錢來講，唔算經濟，但整體質素絕不遜色，都算物有所值。

================================

感謝mjqueen7e提供以上資料

mjqueen7e的網誌: http://www.openrice.com/zh/gourmet/reviews.htm?userid=66478&city=hongkong

================================