由於兒子下星期要出外工幹,所以趁週末就一家人來銅鑼灣選購行李箱。辦完事後,見時間已經不早,就順道去利舞臺廣場的《玉桃軒酒家》嘆下午茶。其實幾年前曾經和家人來這裡吃過頓中秋晚飯,記得店內環境不俗,裝潢優雅瑰麗,很適合用作婚宴場地;反正已經很久沒來過,就一於和家人來嘆吓茶,共聚天倫,好好享受一個悠閒的下午。
入坐後,先拿起點心價目表看看,原來這裡的點心,定價比起住處附近的酒樓高昂得多,小點:$18、中點:$26、大點:$32、特點:$35,茗茶每位:$13,幸好星期六下午茶有 8 折優惠,所以價錢尚算合理。另外,如果唔想齋吃點心的話,其實店裡也有不少精選小食、鑊氣小炒、粥粉麵飯、本月廚師推介、假日傳統美食等供應,選擇非常豐富。
由於兒子和我都十分愛吃香口之物,所以決定先點幾款煎炸點心。一客三個嘅
擂沙煎堆仔 ($26),端上來時雖然唔算熱辣,但外皮頗煙韌,而且夠脆口,加上入裡的芝麻餡流沙度甚高,入口甜而不膩,挺好吃。
反而之後上桌的
香脆蝦多士 ($32) 賣相一般,色澤看起來略欠金黃,而且面頭的蝦肉不多,幸好表面的芝麻超香口,而下面的多士亦夠曬鬆脆,吃起來油份又唔多,如果可以附上一小碟雜果沙律醬伴吃,應該會令食味提升不少。
接著是
椒鹽魷魚鬚 ($50),雖然成品只是將魷魚鬚裹粉油炸,但外層嘅脆漿既平均又唔厚身,咬下亦不覺有油膩感,加上入面的魷魚食落好煙韌、有彈性,味道的確唔錯,唯一要挑剔就是椒鹽味略薄,稍欠惹味。
葡汁白菌牛柳粒鍋粑 ($42),筆者向來愛吃用葡汁煮的菜式,更何況這客葡汁牛柳粒,不但質感綿稠,而且用料豐富,除了有滑溜的牛柳和白菌粒外,還配上三色椒,以香脆的鍋粑沾著吃,令人回味。
至於這碟
韮王鮮蝦腸粉 ($35),腸粉皮雖然是偏厚了一點,但也算滑溜,咬下亦不覺糊口,而且豉油的鹹度幾適中,加上入面的蝦隻,鮮得來又夠爽口,配合軟綿的腸粉,相得益彰。
京式小籠包 ($32),這裡的小籠包,外皮雖然是有點厚身、而且身形說不上圓潤嬌小,但湯汁夠多,咬下去有爆汁效果,而且入面的豬肉餡,味鮮得來又夠粉嫩,點上浙醋吃,令人胃口大開。
甜品點了一客
椰汁紅豆糕 ($26),紅豆糕嘅椰汁味雖然唔算好明顯,但吃起來質地幾滑溜,配上入面粒粒紅豆,口感豐富,味道清新。一家人把所有食物都吃光,食得非常飽,而且由於是下午茶的關係,所以價錢不太貴,點心也算不俗,可以再來一吃。
================================
感謝mjqueen7e提供以上資料
mjqueen7e的網誌: http://www.openrice.com/zh/gourmet/reviews.htm?userid=66478&city=hongkong
================================