8 美味韓式甜品

食完意粉午餐，感覺有點意猶未盡，決定在附近找個地方再吃甜品。醒起去年夏天，曾經和老公到訪過時代廣場附近一間以韓式雪奶為主打的甜品店《Nun》，記得當晚品嘗了店裡的咖啡王子香濃雪奶，覺得味道非常出色，反正兒子沒吃過，就一於過去碰碰運氣。











對上一次來是舊年 6 月，雖然已經隔咗一年，但除了餐桌和木櫈的擺位有點不同之外，其實店裡的裝潢與去年分別不大。由於上次食評已經介紹過環境和點餐的程序，所以今次決定單刀直入，坐下後先翻閱餐牌。







甜品的類別選擇，其實同對上一次來無乜分別，除了主打的韓式雪奶外，餐牌上仍舊有去年才推出的意大利粉雪糕，另外還有雪糕吐司、雪糕窩夫、沙冰、果汁、韓式湯麵、韓式蒸餃、韓式窩貼及炸雞粒等小食，不過就發現原來店裡都加咗好幾款新產品，包括色彩繽紛的馬卡龍雪糕、棉花糖刨冰、韓式熱狗等，就一於每人點一客齊齊開心 share。





先介紹兒子點的 Fresh Mango Sherbet 韓式鋒芒畢露黃金雪奶 ($68)，其實這客甜品，材料好簡單，除了刨冰外，就只配有芒果果肉、芒果雪糕同鮮芒果汁，不過分量十足，望落去成座金黃色嘅雪山咁，賣相吸睛。先試一口芒果雪糕，雪糕的質感非常軟滑，而下面的雪奶亦刨得柔滑細綿，入口即化；加上面頭味道清甜的芒果果肉和甜美的鮮芒果汁，吃起來既香甜又濃郁，非常美味。







至於老公揀的 Injeolmi and Red-Bean Sherbet 韓式甜蜜麻糬紅豆雪奶 ($55)，其實這客甜品，同舊年品嘗過嘅咖啡王子香濃雪奶，分別不大，只是將面頭灑滿咖啡粉的雲尼拿雪糕換成麻糬粒。底層的牛奶刨冰，同黃金雪奶一樣，刨得滑溜幼細且質感輕盈；麻糬入口香糯煙韌，咬感極佳，尤其是面頭粘著的黃豆粉，甘甜味香，講真三個人分吃，其實有點不夠喉，幸好麻糬下面還有不少口感綿密的韓國蜜紅豆，香脆可口的原粒杏仁、杏香泗溢的杏仁片，以附上的一小杯煉奶撈拌著吃，甜度剛好。



筆者是窩夫粉絲，所選的自然是這客層層疊疊、賣相勁有氣勢的 Double Scoops Ice-cream Waffle 韓式雙球雪糕幻彩窩夫 ($62)。窩夫即叫即製，面層香脆，內裡煙韌，雖然說不上有太大驚奇，但吃起來總算外脆內軟，加上入口微微的蛋香味，水準合格有餘。雪糕方面，其實選擇不多，只有甜酒、荔枝櫻花、芒果、草莓及 oreo，不過配上碟上的鮮果、煉奶和朱古力醬一起吃，亦非常美味，下次再來的話，應該會再  encore。

================================

感謝mjqueen7e提供以上資料

mjqueen7e的網誌: http://www.openrice.com/zh/gourmet/reviews.htm?userid=66478&city=hongkong

================================