![]()
![]()
![]()
![]()
友人近排心情靚到爆，經常與好友結伴外出，吃喝玩樂，早前才剛去咗間餐廳酒吧消遣，這天又邀約了我和一眾好友飯聚，而地點就選了位於南洋酒店內的《君好餐廳》。原來據友人稱，餐廳近日推出咗全新精選午餐，非常經濟抵食，價錢只是由 $68 起，而且凡星期六日及公眾假期惠顧精選午餐，並即場讚好餐廳專頁，更可享四送一優惠，絕對超值。嘩！既然友人講到咁吸引，我當然樂意奉陪！
![]()
![]()
![]()
![]()
![]()
雖然筆者之前曾經喺灣仔區住過，但印象中，從沒到訪過這間 Café。餐廳位於酒店二樓，甫踏進店，即見內裡環境非常寬敞闊落，用餐區呈弧形，帶旋轉餐廳 feel，雖然沒可觀的靚景，但樓底夠高，配上以棕紅色作主調的布置和柱位上的小擺設，讓一室洋溢著優雅的氣息。
![]()
安座後先細閱午市餐牌，主菜選擇雖然唔算豐富，只得 5 款，不過以灣仔區的西餐廳來說，這裡的定價很合理，只是由 $68- $108 不等，而前菜就可以揀青口湯或雜菜沙律，如果想同時享用餐湯及沙律的話，亦只須多加 $20，另外餐廳更會免費奉送果汁及是日甜品。
![]()
前菜選了青口湯，而主菜就揀咗香煎鱸魚。服務員先為我們送上一籃
餐前麵包，麵包拿上手時雖然只是微溫，而且沒附上橄欖油及黑醋汁，但咬下質感煙韌，而且內層比法包軟熟，塗上牛油吃，味道亦不俗。
![]()
接著送上的是
青口湯，講真，白酒煮青口就食得多，但以青口肉切碎來熬湯，則比較少嘗。先用匙羹輕撥一看，碗湯非常足料，除了有大量青口肉外，廚師還加入了不少松子仁，所以啖湯喝起來會多咗份嚼勁，加上內裡的青口肉，質挺又夠鮮甜，為這道湯添上不少鮮味。
![]()
![]()
![]()
![]()
主菜
香煎鱸魚 ($98) 端上來時，一看，竟然有兩大件，分量絕不欺場，而且擺盤非常精美，惹人垂涎。先研究一吓賣相，原來外皮金黃的香煎鱸魚，面層配有一抹深綠色的羅勒醬；而墊底色澤鵝黃的南瓜蓉，上面就放有一撮略炒過的本菇，加上圍邊的三顆爆汁車厘茄和翠綠青嫩的露筍，為整道菜增色不少。切開鱸魚一試，油脂雖然唔算豐厚，但肉質細緻幼嫩，而且外皮又脆又香，配埋底下甜味溫和的南瓜蓉一起吃，的確滋味無窮。
![]()
![]()
![]()
![]()
是日甜品是小巧的
忌廉卷蛋，蛋糕質感雖然唔算好鬆軟，不過吃起來甜而不膩，亦算不俗。至於飲品方面，除了可以點跟餐的咖啡或茶之外，客人更可於自助區域免費任飲橙汁或蘋果汁。
![]()
另外隨餐還會附送餐廳自家手工製作的
安妮曲奇，而這天的口味就分別有芝麻、竹炭、開心果、杞子和紫芋。筆者選了較特別的竹炭和紫芋，其實兩款水準都唔錯，吃起來不但口感鬆化、而且甜而不膩，令人吃得愜意。友人果然無介紹錯，沒想到原來酒店也有這樣經濟抵食的午餐，下次要拉埋老公來試試。
================================
感謝mjqueen7e提供以上資料
mjqueen7e的網誌: http://www.openrice.com/zh/gourmet/reviews.htm?userid=66478&city=hongkong
================================
