偶遇街坊小廚

早前收看 TVB 飲食節目「區區開伙」，見幾位主持走訪了有「平民美食天堂」之稱嘅佐敦，而且還介紹了不少抵食餐廳。講真，筆者在佐敦的搵食經驗絕不豐富，所以也很想到區內逛逛。







記得友人曾提過，渡船角一帶，不但舊樓林立，而且更雲集了不少親民食店，趁這晚天氣唔錯，就一於兩口子過來覓食。老公想吃中菜，在文蔚街碰到這間名字勁長的街坊小店《三喜餐飲‧小廚鑊氣小炒雞煲火鍋》，見門口貼著的小菜照片，不但賣相吸引，而且晚市套餐和小炒，價錢都幾經濟，決定入內一試。



推開玻璃門，原來入面地方不大，除了店中央兩張預設可坐 8 人的圓檯外，餘下的都是以四人或六人桌為主，而且椅桌擺放得有點密麻；幸好店面以淺色為主調，環境光猛潔淨，配上一室簡約裝潢，整體感覺亦蠻不錯。













拿起檯上的餐牌細看，一如店名，菜牌上除了有不少惹味小炒外，還有五款精選招牌雞煲、秘製羊腩煲、奇味牛筋腩煲、火鍋湯底、火鍋配料、二人小菜套餐及精選小菜晚餐等，選擇非常豐富。老公想吃蔥油雞和酥炸桶蠔，而筆者就對鱔球情有獨鍾，既然各有所好，就一於各取所需。



最先來的是招牌蔥油雞，原來店裡的蔥油雞，可選例牌 ($58)、半隻 ($88) 或全隻 ($168)，就一於中間落墨。碟雞上檯時見面頭已淋上了不少炸蒜和蔥花，看起來煞是吸引，令人食指大動。立即挾起雞件一看，雞皮好薄，食落幾清爽、而雞肉肉質亦很幼嫩滑溜，唯一就是稍嫌雞味略淡，幸好配上蔥蒜後，令雞肉吃起來不但帶蒜香，還可嘗到陣陣蔥辛，惹味好吃。







接著是一道酥炸桶蠔 ($138)，碟炸蠔上桌後，細心一數，共有 6 隻，而且隻隻看起來都超級巨型，咬開一試。外層炸漿夠薄又不油膩，入口鬆化香脆，而裡面的蠔肉，Size 夠飽滿肥美之餘，口感亦夠曬嫩，細嚼下更可嘗到濃郁的蠔味和豐富的蠔汁，實在非常美味。如果怕熱氣，唔想食炸物，其實餐廳亦另備有薑蔥桶蠔或薑蔥廣島蠔供應。







至於我點的蜜椒鱔球 ($128)，無論是賣相或分量亦絕不失禮。先挾起走過油的鱔球入口，夠脆又肥美，食落啖啖肉，外脆內爽，而且最難得就是吃後完全不覺油膩，大啖食都無有怕！而老公就讚鱔球入口滲著濃郁的蜜糖甜香，配上青椒和紫洋蔥吃，非常惹味，用來佐飯一流！食得咁飽，一於去附近散吓步，幫助消化。

================================

感謝mjqueen7e提供以上資料

mjqueen7e的網誌: http://www.openrice.com/zh/gourmet/reviews.htm?userid=66478&city=hongkong

================================