細味星級火鍋

近排天氣開始轉涼，又是時候吃火鍋了。記得對上一次同班老友叙舊，選了堡壘街的《金功夫點心火鍋》，當晚大家點了不少火鍋配料，邊烚邊傾，天南地北無所不談，吃得極之滿足，本來很想食過返尋味；不過早兩天瀏覽網評時，發現原來《金功夫》近日在灣仔開咗間旗艦店，而且餐廳為了慶祝新店開業，晚市時段仲推出咗個一蚊雞「瑤柱白玉滑雞鍋」湯底優惠，見個推廣期只是去到呢個月 18 號，所以亦二話不說，立即 Book 咗位，和老公來撐檯腳！









新店位於灣仔道 223-227 號，餐廳佔地兩層，是三間《金功夫》之中規模最大的，提供 120 個座位，一樓設有多間貴賓房，而樓上一層就以散座為主。至於這晚我倆就被安排坐在二樓，沿路內進，左手邊設有全幅落地大玻璃，是右手邊就擺放了多張四人卡座，配上店內的傳統中國風設計，環境既雅致又舒服。











安頓後，見時間尚早，一於先開壺靚茶，再慢慢點菜。食物方面，一如北角《金功夫》，店子早午市仍然是以供應各式點心及粉麵飯為主，不過晚市就有點不同，除了主打嘅火鍋外，仲會提供各款特色小菜，選擇更加豐富。







既然一心為吃火鍋而來，所以就先揀個特價湯底，再各自選一兩款火鍋配料。點完火鍋料後，接著就輪到「混醬」時間，木盤上放有 8 款醬料 (茶芥及醬油每位 $18)，包括沙嗲醬、蒜蓉、紅椒、蔥花、金蒜粒、麻醬、辣醬等，喜愛邊款，大可自由組合。另外店員亦會送上餐前小食一碟，而這晚放上檯的就是花生脆脆銀魚，不過當然要額外收費，每份 $15。









好，正式開餐。先介紹吓個瑤柱白玉滑雞鍋 ($1)，原來這個湯底原價要 $188，現在只收一蚊雞，實在超值。瑤柱絲與雞件以冬瓜圍邊盛載，滾起後店員會主動替客人把冬瓜代為切開。先呷一啖湯底，好香好清甜，加上瑤柱絲和煮至軟腍的冬瓜，味道的確不俗。再挾起鍋內的雞件，肉質果然嫩滑，一於食完雞同冬瓜，再用湯底打邊爐。





至於火鍋配料方面，貴精不貴多，只點了四款，有老公至愛的雪花肥牛、我至  like  的白鱔片、脆炸響鈴和油麥菜。安格斯雪花肥牛 ($198) 先送上，肥牛卷成兩朵玫瑰花狀，造型精雕細琢，令人眼前一亮。立即放一片入熱騰騰的湯鍋內輕涮，再挾起一試，果然有料到，肥牛咬下腍滑肥美、肉味馥郁，而且油花多又夠鬆化，口感相當不錯。







接著輪到吃我點的白鱔片 ($108)，鱔片端上來時已分成兩份，其中一半以切片形式奉上，望落去不但晶瑩剔透，而且片片都切得厚薄均勻。至於另一份就卷成花朵狀，造型非常美觀，用來呃 like 一流。鱔片非常新鮮，肉質結實彈牙，既清甜又啖啖肉，怕魚骨的人就最適合不過。





記得上次喺北角《金功夫》點的脆炸響鈴 ($58)，是新鮮即炸，而這晚當然也不例外，入口香脆鬆化，放在湯鍋內輕輕一浸，響鈴吸滿湯汁後，咬下還隱約吃到腐竹香。最後，當然要點客蔬菜來平衡一吓，油麥菜 ($38) 的營養價值，據說略高於生菜，經輕灼後不但質地爽脆，而且口感鮮嫩清香，絕對是打邊爐之選！

這晚點的火鍋配料，款式雖然不多，但整體來說，由湯底以至用料，都令我倆非常滿意，下次一於再來吃午市點心，看看水準如何。

================================

感謝mjqueen7e提供以上資料

mjqueen7e的網誌: http://www.openrice.com/zh/gourmet/reviews.htm?userid=66478&city=hongkong

================================