享受片刻寧靜

約了很久沒見的友人一聚，順道送上禮物，提早預祝生日。最近留意到尖沙咀開咗間 Pop-Up Store，據悉店子主打由日本直送的蛋糕，由於知道友人特別愛吃甜品，所以相約前往一起選購。見時間尚早，大家決定先找個地方吃頓午飯，談談近況。友人一向愛蒲咖啡室，所以特意選了柯士甸道的《Café Hillywood》作為開餐地點，貪這裡夠靜，可以慢慢 Hea，好好享受片刻安寧。



















其實這間 Café，筆者之前亦曾到訪過，店內裝潢和對上一次來時，分別不大，仍舊以灰色和白色為主調。牆身擺放著不少裝飾品、而牆角四周亦放滿盆栽，不過講到最搶眼，還是對著正門的一大幅紅鶴壁畫，不但為餐廳帶來色彩，而且更洋溢著濃厚的藝術氣息。





拿起檯面餐牌細看，原來假日中午只有 Weekend Brunch 供應，而且選擇勁少，只得 8 款，不過全部都已經配上 $50 以下飲品或咖啡一杯。另外客人亦可以用 $68 點個 Cake Set，包任何蛋糕一件及 $50 以下飲品。和友人商議後，決定點和牛漢堡及全日英式早餐各一客。



澳洲草飼和牛漢堡 ($148) 先送上，Burger Set 以一個圓碟盛載，中間堆滿炸薯條，旁邊放有一個夾了漢堡扒、芝士、紫洋蔥、番茄片和沙律菜的漢堡包，而側邊就放有一小兜茄醬。趁熱拿起炸薯條試試，水準唔錯，夠脆口，而且薯味十足，完全不覺油膩，就算待涼了再吃也不會軟腍腍。至於主角和牛漢堡，食味亦不俗，包身雖然唔算好香脆，但食落幾軟熟，而入面件漢堡扒，厚身得來又夠鬆化，只是稍嫌肉汁唔夠多，不過已經交足功課。





反而另一客姍姍來遲的全日英式早餐 ($118) 就有點令人失望，雖然碟 All Day Breakfast 用料夠曬大堆頭，包括有煙肉、炒蛋、烤蕃茄、多士、茄汁豆、煙三文魚、香腸及沙律菜等；但煙肉煎至乾巴巴、炒蛋口感帶粉，而且食落既老身又無乜蛋汁，蛋香味亦不夠突出。多士可能放得太耐，亦欠香脆口感，整體食味一般。



幸好兩杯飲品，香芒古巴梳打 (跟餐) 和菠蘿快車，水準都唔錯。Mango Nojito 主要由青檸、薄荷及芒果炮製，冰涼的薄荷搭上青檸的酸澀，入口輕盈香甜，果味甚為濃郁，非常清新，我喜歡。也試了少許友人點的菠蘿快車沙冰 ($50)，飲品用上鳳梨、香橙及薑調製而成，入口薑味不是一湧而出，而是伴隨著菠蘿和橙的甜香慢慢滲進喉嚨，口感很特別。

意猶未盡，決定再加件蛋糕一齊 Share，是日甜品共有 6 款，包括檸檬酸酸、濃濃朱古力、藍莓芝士蛋糕、海鹽焦糖撻、蘋果脆脆撻及我倆點的香蕉朱古力 ($45)。蛋糕共有 6 層，除了頂頭的朱古力漿外，夾層就用上香蕉忌廉同香蕉蛋糕相間。用叉子切開一試，巧克力味幾濃，而且吃起來唔覺膩滯，反而食落口腔傳來陣陣香蕉的清香，唯一美中不足就是蛋糕質感唔夠軟熟，有欠鬆軟，否則食味更佳。

其實這天入座後，發生了一件小插曲，話說點餐時，獲店員告知，因廚師遇上意外，所以未能準時上班，初頭還以為只需稍等一會，但後來發現愈來愈不對勁，而且見幾位員工，亦有點不知所措，幸好我和友人這天都不太趕時間。無論如何，如果大家想找個地方喝杯茶、吃點輕食，這裡可以考慮吓。

================================

感謝mjqueen7e提供以上資料

mjqueen7e的網誌: http://www.openrice.com/zh/gourmet/reviews.htm?userid=66478&city=hongkong

================================