有句話:「執條褲頭帶,唔見副身家」,
我就剪下$6優惠券,結果吃咗$178的下午茶,
雖然美其名慳得一蚊得一蚊,
但我就很感受消費者貪便宜心情,
也見優惠券有成効之道!
三人行到沙田中心新張不久的Pizza Hut吃下午茶,
發覺裝置比剛結業的城市廣場Pizza Hut遜色得多,
既來之,則安之,不會因此立刻離開。
我最抵食的$24 蝦煙肉薯蓉&蒜蓉包,味道OK,
加$8轉朱古力曲奇咖啡冰,
冰面有個忌廉球令咖啡冰添滑,
喝一口,除了朱古力和咖啡味道,
更充斥粉碎的曲奇餅,
一杯冰冰滿足三種味道和口感,頗好。
$47酥脆魚柳拼盤加$8轉凍意大利咖啡,
我分享少許沙律,個汁幾特別像果醬。
$67卡邦尼煙肉意粉,加$8轉雪糕者喱冰,
煙肉和意粉份量也不少,
粉上還有脆脆煙肉乾,味道不錯。