十一月二日早上，隔離村的鄰居大著肚來我家玩自製薑皂，為坐月時用，而家做，兩個月後即可用，剛剛好啊。做皂其間真有點觸目驚心。皆因很怕在製作過程中，鄰居會吸入材料中有腐食性的氫氧化鈉。所以呢個部份由我來處理。但遇著打一號風球，很怕一些輕烟會被吸入。
不用一小時便打好兩底薑皂了。
(由於時間的關係，在第二天可以脫模後，朋友已影了相給我看)
哈哈 今次又有得打斧頭啦，回味總是甜。我把用作打皂的盆，剩下在邊位的下欄(皂槳)都刮下來放進 Kitty 模裡，都有兩塊架。為的是打斧頭，一來唔好浪費，二來都想看看大家的出品效果如何。
因為是皂頭皂尾，最尾皂槳涼咗啲，所以 Kitty 個樣有啲花
到了晚上我還得到一餐住家素菜宴。真是大開眼界。呢餐沒有在素食中菜舘般加了大量油去煮而可以吃得飽，而且仲好好味添。
頭盆：
涼伴綜合海藻
若然喜歡吃紫菜的你，呢個就真是好味到不得了
鄰居說做法簡單過簡單
蕃茄橄橄香草多士
甘筍眉豆竹芋椰香湯
雜菜咖哩 with chapati
什菌炊飯
仲有唔少得的是另一鄰居的糖水
紅棗圓肉甜湯
滋潤補血養顏，好味
唔少得的全日節目是。。。。同貓玩
呢間屋有十幾隻貓，全部性格、喜好都唔同，逐隻玩唔會厭
貓貓今日都玩得好攰，未開飯已叫唔好再搞我，我要瞓XDDDDDDD
由於EE們太熱情，有啲連開飯，貓貓都唔肯出來吃
