♡❤是情人節不是懲人節❤♡

剛剛過左既 2月14日情人節~ 大家點過呢? ♡

無論有無拖拍都好, 都應該要過得精彩~~*

K小姐一直都堅持~呢D大時大節唔出街食~

明搶 + 無平時咁好食 + 多人 + 唔覺得特別浪漫 + 夾硬黎既情人節套餐.....etc

最好唔好特別送d咩禮物比我~仲有....一定唔可以買花!!!!!!

節日係唔需要用金錢堆砌既!!*~

你地係想過【情人節】定【懲人節】丫??

同過Mr.R 講, 如果佢咁做, 我會唔高興~*

於是我地今個情人節都係係屋企煮飯仔就ok la~

今年係我地第6個情人節~ 唔駛整d咩花巧野喇~簡簡單單啦...

【2月14日餐單】

忌廉南瓜湯

龍蝦凱撒沙律

煎安格斯牛扒及香草三文魚扒配炸蠔

甜品: Mr.R東海堂買現成cake2件*

壓成蓉 (K小姐未添置攪拌機~), 就放係雪櫃備用 (當然我係為左方便14號晚煮姐)..

如果你地有攪拌機, 就唔駛自己壓南瓜蓉啦~

煮既時候, 加入雞湯至適合自己既濃度~

攪勻至滑身, 加入奶/忌廉, 飲之前加小小香草...更香更好味

好喇, 到 Lobster Caesar Salad 喇~

材料: 羅馬生菜, 芝士, 脆麵包粒, 凱撒沙律醬, 龍蝦

haha~ super easy!! 羅馬生菜洗淨, 瀝乾水, 切塊。加入 芝士, 脆麵包粒, 凱撒沙律醬撈勻~~~

龍蝦隔水蒸20mins (耍視乎大小), 攤凍後可放上沙律面懶靚... 或者起肉混入沙律 

哈!!哈!!哈!! 其實K小姐根少好少好少食牛, 不過唔代表我唔識煎牛扒*

Mr.R 都比我影響左, 宜家都好少食牛喇... 不過情人節..同大家一齊整下牛扒啦..!!

但....係... 牛扒已經娘娘地, 唔需要心形喇!! 哈哈哈哈...

好多人話出面食既好多都煎得比order既程度熟, 所以係屋企整真係好多好處呢~~

煎牛扒係懶人必選!!! 事前唔駛落咩調味, 只要煎既時候落小小鹽同黑椒調味就ok

三文魚扒都係, 只要煎既時候落小小胡椒, 鹽同香草~ 就得~~easy easy!!

炸埋個蠔~~~ 食得~!!

(整蠔...果時....唔記得左影... =____=")

忘記它~~~~~ 開飯喇!!

係我炸緊蠔果時, Mr.R 係出面熄燈~~

佢話, 你唔鍾意節日出街食, 咪係屋企自己整D效果囉......

哈哈哈~~HELP~~ 傻的嗎?? 

不過, 2月14日, 只係一個數字~

最老套既說話係最岩既~ 【只要過得開心, 日日都係情人節】

❤快樂就好*!! ❤

https://www.facebook.com/kpigkitchen