書展已經開始咗, 大家行咗未呢? 有無買到心頭好書籍? 今年多咗好多煮飯 blog 友出不同種類食譜書. 在此恭喜妳/你們! 祝妳/你們食譜書越賣越多. 越賣越紅. 其實當看見越嚟越多人出食譜書, 又時都會幻想自己會不會都有出書一日? 哈哈.........Sorry! 我又係到發白日夢.
講番今次呢個小菜. 事源上星期晚去了一對教友家中探訪及晚飯. 她煮了一碟味菜炒蜆肉, 當時 Honey 表示都好耐未食過味菜炒牛肉, 所以我就為他做了這個小菜. 哈哈.......Honey 他非常鍾意. 見到他食得開心, 我就巧開心囉.
材料
牛柳絲 ($29 - 已切條), 咸酸菜 (半個 - 切條), 蒜頭 (4 粒 - 切粒)
乾蔥 (2 粒 - 切粒), 紅綠青椒 (各1 隻 - 切條)
醃料
生抽 (2 茶匙), 糖 (1 茶匙), 油 (半茶匙)
生粉 (半茶匙), 水 (1 湯匙)
調味料
鹽 (少量), 糖 (約 1 茶匙), 紹興酒 (半茶匙 - 贊酒用)
暖水 (約 1 湯匙)
做法
1) 牛柳絲清洗乾淨及切條, 抹乾水份, 用醃料醃約 30 分鐘.
2) 咸酸菜用水沖洗乾淨及切條, 備用.
3) 熱鑊下油, 下牛柳絲煮約 25 - 30 秒, 就熄火用餘温煮至轉微黃色就盛起隔油, 備用.
4) 再開火下油, 下蒜粒, 乾蔥及紅綠青椒爆香, 加入咸酸菜同炒,贊酒, 下少少暖水煮一陣, 加入牛柳絲兜勻, 下鹽及糖調味, 就可盛起食用.
