以前我係一名勁唔鍾意食茄子的人, 但唔知係咪真係年紀大咗, 宜家連對討厭食物都會慢慢變得有興趣. 魚香茄子煲是我近年其中一款喜歡茄子餸菜. 今次我都係煮類似呢個煲仔餸, 只係無用個 "煲" 啫.
這個餸簡單易煮, 又唔油膩, 送飯一流!
![]()
材料
茄子 (2 條 - 切條), 豬肉碎 ($20), 蒜頭 (5 粒 - 切粒)
醃料
生抽 (1 湯匙), 糖 (1 茶匙), 麻油 (少量), 胡椒粉 (少量)
油 (1 茶匙), 生粉 (半茶匙)
調味料
麵豉醬 (2 湯匙), 辣豆瓣醬 (1 1/2 湯匙), 暖水 (2 湯匙)
紹興酒 (半茶匙 - 贊酒用)
做法
1) 茄子清洗乾淨及切條, 用糖撈勻, 放入蒸鑊蒸約 8 - 10分鐘, 盛起備用.
2) 豬肉碎清洗乾淨, 用醃料醃約 30 分鐘, 備用.
3) 開火下油, 下蒜粒爆香, 加入豬肉碎炒勻, 贊酒, 下茄子同炒, 加入調味料煮至入味就可盛起食用.
愛心小貼士
這個小菜連我怕食辣 Honey 都食到架! 當然, 如果妳/你真係怕辣, 係可以減少辣豆瓣醬份量, 甚至不加都得.
