星期日煮了這個茄汁蝦招呼 Honey 親戚, 煮蝦我經驗不多, 所以對於我來講事前要剪鬚腳及挑蝦腸都是一件唔簡單事. 幸好都順利完成, 煮出嚟個買相都不錯. 味道大家都滿意.
材料
急凍蝦 (14 隻), 蒜頭 (6 粒 - 切片), 菠蘿 (2 片 - 切粒)
調味料
茄汁 (約 3 1/2湯匙), 白醋 (約 2 1/2 茶匙), 糖 (約 1 茶匙)
做法
1) 急凍蝦解凍, 清洗乾淨, 抺乾水份, 剪去頭部及鬚腳, 在背部剪開及挑蝦腸, 平均沾上生粉, 備用.
2) 開火下牛油, 將蝦煎熟, 盛起隔油備用.
3) 再開火下牛油, 下蒜片爆香, 加入已煎熟蝦及調味料拌勻, 就可盛起於碟中, 用菠蘿粒拌碟作裝飾就成了.