最近經過三聯見到新出感左幾本有關咖啡既書、忍唔住買左兩本～ 兩本由台灣出版社出版，分別介紹台北既咖啡店同台灣咖啡人係咖啡路上面對既一切，有咩感受。
呢本主要介紹台北特色咖啡店，形式同陳豪個本有啲似，分左唔同種類既咖啡店，有每間咖啡店店主既分享，張店內每一個角落都展現出來，如果你想去台北尋啡又或者想開咖啡店，不防參考下。
台灣咖啡店感覺上比香港既人性化，你會比較容易感受到店主對咖啡既熱情，喜愛，好多時都會加左好多個人風格，而且台灣地方比香港闊，咖啡店規模亦都較大。
兩本之間，我會比較鍾意後者。如果你抱住想得知識既心態去睇呢本書，你可能會失望。呢本蘊藏住台灣各地咖啡人既心路歷程，行咖啡路時面對既問題。雖然每一篇篇幅唔多，但絶對值得一再細味，而且不得不佩服佢地既堅持，執著！
為左咖啡，佢地可以放棄事業、甘願負債累累、每日長達十多小時工作等等，唔係咁簡單，當中既付出並唔係筆墨可以形容，叫做行梗半條咖啡路既我亦都深深感受到....當然，當我地既客人喜歡我地既咖啡，個種滿足感，可以將一切既疲勞一掃而空。
本書唔單只訪問咖啡店店主，仲有咖啡書既作者、咖啡blogger、咖啡農等等，好豐富！令讀者可以係不同角度了解咖啡事業。
如果你想行咖啡路，絶對值得一睇！
============================================
感謝 SiuLamLam 提供以上資料
SiuLamLam的網誌: http://www.siulamcoffee.com/
============================================
