韓國之旅終於結束啦! 呵呵........玩得好開心, 食咗好多美食, 買咗好多又平又靚手信及靚衫. 原來韓國真係好好玩架. 無論觀光名勝, 不同特色韓國地道美食, 又平又靚衫褲, 精緻咖啡店, 友善親切韓國人, 都令人對韓國好著迷. 宜家終於明白點解咁多人鍾意時時去韓國玩了.
今晚是回港後第一餐玩煮飯仔. 食得比較清淡 d (因為已經食得太多啦!). 雖然是清淡少少, 但絕對不求其架! 夠晒清甜健康.
![]()
材料
冬瓜 ($7 - 切小粒), 合掌瓜 (2 個 - 切件), 小花蟹 (4 隻 - 切件)
排骨 ($20 - 已切件)
醃料
生抽 (1 湯匙), 糖 (1 茶匙), 鹽 (半茶匙)
胡椒粉 (少量), 油 (1 茶匙)
做法
1) 排骨清洗乾淨, 抺乾水份, 用醃料醃約 30 分鐘.
2) 合掌瓜去皮及去籽, 清洗乾淨及切件. 冬瓜去皮及去籽, 清洗乾淨及切小粒.
3) 小花蟹清洗乾淨, 斬件, 備用.
4) 燒滾一鍋水, 下合掌瓜中細火煮約 30 分鐘, 加入排骨煮 10 分鐘, 下冬瓜及小花蟹煮約 10 分鐘就成了.
