哩幾日喉嚨好乾燥, 尤其是瞓到半夜就口乾到要飲杯暖水才能再入睡. 但到天光睡醒仍然覺得好口乾. 昨晚決定煲個雪梨水來滋潤一下. Oh! 好潤好潤呀! 飲完喉嚨舒服好多. 連睡到半夜口乾情況都有所改善, 比起之前幾日已經舒服好多. 好喇! 等我這幾天再繼續煲嚟飲滋潤一下先得.
材料
雪梨 (6 個), 無花果 (10 粒), 乾白合 (1/4 飯碗份量)
冰糖 (份量按個人口味)
做法
1) 雪梨清洗乾淨, 去除果蕊, 切件, 備用.
2) 乾白合用水浸約 1 小時, 備用.
3) 煲一鍋水, 當水滾時加入所有材料, 煲 1 個小時, 加入冰糖調味就可飲用了.
