這個餸我最鍾意食嘅係配角 "薯仔", 吸滿晒汁料的薯仔是極之好好味. 令妳/你食下食下就不自覺地食清晒架! 大家要小心肚皮有食大咗呀! 哈哈.......哈哈......^^
![]()
材料
急凍豬腩肉片 ($15 - 切半), 薯仔 (2 個 - 切片 or 切件)
蒜頭 (4 粒 - 切粒)
醃料
牛丼汁 (2 湯匙), 生抽 (1 茶匙), 糖 (半茶匙)
調味料
蠔油 (約 3 - 4 湯匙), 糖 (1 茶匙), 暖水 (約 180 - 200 ml)
做法
1) 豬腩肉片解凍, 清洗乾淨, 切半, 用醃料醃約 30 分鐘, 備用.
2) 薯仔去皮, 清洗乾淨及切片 or 切件.
3) 開火下油, 下豬腩肉片炒, 加入蒜粒增加香味, 直至豬腩肉片已有 8 成熟以上就熄火, 盛起備用.
4) 再開火下油, 加入薯仔炒煮至金黃色, 加入蠔油兜勻, 下糖及暖水轉細火炆約 8 - 10 分鐘, 加入豬腩肉片炒勻直至熟透, 就可盛起慢慢食用.
