牛肉にチャレンジ

每次整飯俾hime食，離不開最基本嘅雞胸肉。
試過一次買咗塊魚柳俾佢，點知佢唔多吼，食食吓寧願去食返乾糧。
呢個囡真係好唔鍾意食魚。
hime細個時曾經買過包魚味嘅orijen俾佢食，佢都係食得好唔願意。
諗返轉頭，佢其實幾叻，日日食住自己唔鍾意嘅嘢食，仲要食足個幾月。

之後無再俾過魚佢，keep住俾雞胸。
雖然hime嘅主要食糧都係乾糧，但個個禮拜咁整，又淨食雞胸，好似唔係咁均衡。
於是諗住買本書嚟睇啦。

點知香港同台灣都唔覺有貓食譜嘅書，多數只有狗。
就連日本都唔多選擇，係叫做有幾本揀吓。

上個月喺amazon訂開嘢，揀咗呢本「てづくり猫ごはん（手作貓料理）」嘅書。
睇完本書啲食譜，我發現之前俾得太多菜hime食。

一路睇書就諗今個禮拜整咩俾hime食好？
見到話牛肉係有強健腸胃嘅作用，而且有不同嘅礦物質，對貓嚟講係一個唔錯嘅食材。
於是今個禮拜可以試新嘢啦－牛肉！

喺supermarket見到有pack牛肉（stew用），令我好想食beef stew。
於是買咗pack，喺裡面揀舊瘦嘅俾hime做餸。

今次有雞胸肉、牛肉、南瓜蓉、雞湯之外，仲加咗青のり（青海苔）做topping。
平日灑喺お好み焼き（大阪燒）同焼きそば（日式炒麵）面頭嗰啲青のり係可以俾hime食。
本書講到青のり有唔同嘅礦物質同維他命，灑返少少可以令呢餐嘅營養更加均衡。
其實煮干（沙甸魚仔）碎都可以，但我未搵到啲係無鹽嘅，見屋企本身有青のり就用住先。灑一灑，成碟餸都靚啲，好似我哋整完個餸要喺面頭灑返啲香草咁。

edit個今次個video時我走去用慢鏡睇hime點食今次個餸。
其中一段，佢一啖擔咗牛雞南瓜各一粒出嚟。
本身食緊粒牛肉，但食食吓佢食咗雞同南瓜先，牛肉最後先食。

到底呢個囡會唔會似我咁，將最好味／鍾意嘅留到最後先食呢？
定佢始終最愛雞肉所以食咗先？

見到佢食得咁開心我都好開心。
星期日夜晚我問hime：「晏晝啲牛肉好無食呀？」
hime簡單應咗我之後，仲錫咗我兩啖，哈哈。

============================================

感謝 tabitachi 提供以上資料

tabitachi的網誌: http://tabitachi.wordpress.com/

============================================