塩麹・醤油麹デ中華

➡➡
Day 1 ➡ Day 14 ➡ Day 30
my 醤油麹

之前講過浸醬油麴，浸好咗就嚟成個月，我都仲未講我點用佢。
基本上我係直接當佢豉油咁用，無咩特別。

呢個係我哋好多屋企都會見到嘅家庭餸－豆角炒雞柳。

我用咗醬油麴去醃啲雞肉。
份量同鹽麴嘅用法一樣，係肉嘅重量嘅10%，醃嘅時間大概係4個鐘左右。

另外若果怕豆角有菜青味的話，炒豆角時唔用鹽改用鹽麴的話，係可以辟菜青味架。
平時煮蕃茄炒蛋、炒菜呢啲我都用改晒用鹽麴。

暫時嚟講食得出最大分別嘅係炒蕃茄蛋。
除咗無咗陣青味之外，食落仲覺得比以前煮嘅まろやか(mild taste？香醇？)啲。
就好似明明個蕃茄無咁熟無咁甜都好，落咗即刻變咗個完熟嘅蕃茄咁。

無論醬油麴定鹽麴都比同等分量嘅豉油/鹽嘅鹽份低，成日都話少鹽少油，呢個係少鹽嘅不二之選嚟。
女仕們最鍾意聽到嘅有抑制老化同美肌抗老啲效果；
經過發酵，又有好多對腸道健康嘅乳酸菌；
最緊要嘅係，用咗佢哋之後出到嚟嘅嘢食好味好多嘛～

============================================

感謝 tabitachi 提供以上資料

tabitachi的網誌: http://tabitachi.wordpress.com/

============================================