愛用お掃除グッズ

最近試咗樣新嘢嚟抹廚房。

平時煮飯，就算一路煮一路抹都好，煮完餐飯爐頭同側邊牆都難免有油。
用除菌噴霧只可以消毒，但去唔到油。
用另一枝潔淨劑抹又要過水，餐餐飯煮完咁抹好麻煩，所以多數呢枝我係用嚟洗抽油煙機。

於是我走去買咗pack除菌電解水嚟試吓。

因為係鹼性水，可以去油。入面仲有酒精，可以消毒。
重點係佢一抹就得，唔洗過水。

因為我爐頭係黑色，有少少水印同油都會濕得好明顯。
當日煮完飯我即刻試，我噴落布度再抺爐面同牆側邊嘅油，真係一抹得就爽同乾淨。

我仲會嚟抹吓雪櫃、廚櫃扶手呢啲容易吸到油煙同成日摸到嘅地方。
好快手就搞掂簡單嘅清潔，係我近期愛用嘅清潔用品。

============================================

感謝 tabitachi 提供以上資料

tabitachi的網誌: http://tabitachi.wordpress.com/

============================================