話說3號請左屋企人上黎食飯~ 可惜什麼都唔太理想!! >,<
死唔憤氣... 有材料多~ 今日再重新做過!
其實當日唔係整咩特別野, 但就係未整過幾人份量, 加上緊張啊..
粟米濃湯, 當日冇過篩, 水量又多左.. 粟米比例少左, 比其他蔬菜搶走d味..
濃杰度唔太好而且口感太"鞋"...
今日, 只用少少洋蔥當提香, 粟米做番主腳!
打完再過師, 最後加少少忌廉!! 簡直同當日冇得比! ^^
跟住牛油煎帶子沙律, 嘩..人生第1次煎帶子!!! =_=
當然係... overcook 啦!! 哈)) 講明係煎, 但出黎完全唔覺, 好似烚咁既樣..=.=~
因為一路煎一路出水, 油可能又多左d, pan 又未夠熱... 所以呢.. 樣衰衰咁上碟.
今日, 跟媽咪指示, 撲少少粟粉, 切片仔牛油, 熱pan!!
果然係唔同, 雖然唔係好靚, 但就一定靚過果晚,
口感仲唔會好似食魚蛋咁啦!!哈)))))
跟住係黑欖蘑菇菠菜燴飯, 依個算係攞番少少分啦!!
話晒,我都真係整過好多次比自己食~
不過今日, 我就唔想食飯,
只係將煎完帶子既pan加少少油煎香我既愛菇就算!! ^0^ 真係超好味!
最後就係甜品, 變奏版檸檬tart!
專登焗個tart皮之後整碎佢做底, 加上lemon 吉士, 再打馬令,
用火槍燒面, 食落有少少食燒綿花糖咁!! ^0^
當日用玻璃杯仔上, 今日手痕用ring mould ~
又幾靚bor!! 哈)))))))))))
整體, 今日當然好過果晚百倍啦!!!
自己真係未控制到整多人份量既餐!! 次次整多d人分量就變晒樣!!
好死削呀!!!! T_T
感謝 C Chan 提供以上資料
C Chan 的個人網誌: http://chccchan.blogspot.hk/
