是晚又係煮駝鳥肉做晚餐, 我知唔係好多人鍾意食, 但它營養價值真係好高, 又低脂. 啱晒我地各位靚太們. 配埋清甜蘆筍一齊食, 非常清新及健康.
![]()
做法
蘆筍 (16 條 - 切半), 駝鳥肉 (1 盒 - 切片), 蒜頭 (4 粒 - 切碎)
醃料
生抽 (1 1/2 茶匙), 黃糖 (1 茶匙), 紹興酒 (1 茶匙), 麻油 (少量)
胡椒粉 (少量), 油 (1 茶匙), 生粉 (1 茶匙)
調味料 (全部拌勻)
蠔油 (1 湯匙), 生抽 (半茶匙), 暖水 (1 湯匙)
做法
1) 駝鳥肉解凍, 清洗乾淨, 抺乾水份, 切片, 用醃料醃約 30 分鐘, 備用.
2) 蘆筍清洗乾淨, 切半, 用滾水灼煮 1 分鐘, 盛起用凍水沖身一下, 備用.
3) 開火下油, 爆香蒜蓉, 加入駝鳥肉炒, 贊酒 (1 茶匙), 下已拌勻調味料兜炒, 加入蘆筍拌勻煮熟, 就可盛起食用.
搵日叫小龍媽都試下整
值得試下
