朝早行過阿信屋超市見有佢自家出的麵包賣，是早一日賣唔晒而標示為即日到期，到期的全部半價，見麵包重好新鮮便又買來試試。選了一包4條的提子棒半價後$4.7。 ![]()
![]()
麵包暫時的均質處理明顯未做得好，貨架上同一種包無論大小顏色或形狀都可以有大出入，例如所選的一包提子包是焗得較燶貪較香口，但也有很多包是未焗夠色色澤是較淺的淺啡色，大小及形狀基本上也是每個不一樣，入面的提子含量亦有很大偏差，其中一個麵包有很多提子乾，另外三個只外圍有些提子而中間近乎無。味道方面都正常，是發酵時間較長較鬆身較討好但食唔飽那種，麵包有筋性，無乜發酵味及唔太香麵粉麥味，所用麵粉或材料算一般不過在香港的麵包店已是唔錯，唔算好鹹，口味較基本，整體合格至唔錯。特價後當然底食，完全唔覺得唔新鮮，以正價計都可以，當然均質處理要做好唔駛等人續包選，另外阿信屋唔俾免費膠袋又是另一死症，成袋麵包放入背囊或與其它野一齊放壓到返屋企隨時扁晒唔食得，方包類情況更難想像，否則記住自備膠袋。 ![]()
感謝 All About Foods 提供以上資料
個人日誌: http://hkgfoods.blogspot.hk/
