![]()
大熱天時, 大多數人都會煮 d 涼快食物消暑, 不過我 Money EE 最鍾意攪攪新意思, 再加上我的愛妃 (玫瑰鍋) 而到手, 當然要用嚟玩吓花臣. 煮過熱辣辣惹火 "麻辣煲" 加罐啤酒, WoW! 超正呀!
![]()
材料
雞翼 (8 隻), 本菇 (1 包), 乾辣椒 (15 隻), 指天椒 (2 隻 - 切粒), 花椒 (2 茶匙 - 壓碎), 蒜頭 (4 粒 - 拍扁), 乾蔥 (2 粒 - 切粒)
醃料
海鹽 (1 1/2 茶匙), 胡椒粉 (少量), 油 (2 茶匙)
調味料
李錦記川式麻辣醬 (2 1/2 湯匙), 海鹽 (少量), 麻油 (少量)
做法
1) 雞翼解凍, 清洗乾淨, 抺乾水份, 用醃料醃約 30 分鐘以上, 備用.
2) 本菇去根, 清洗乾淨, 備用.
3) 玫瑰鍋開中火, 下雞翼煎至金黃色, 熄火盛起隔油, 備用.
4) 再開中火下蒜頭, 乾蔥, 花椒, 乾辣椒及指天椒炒至有香味, 加入川式麻辣醬炒一陣, 加入雞翼及本菇拌勻, 加蓋轉細火煮 10 分鐘 (其間要拌勻食材及下海鹽調味).
5) 然後開蓋淋下麻油於食材上, 再加蓋熄火焗 10 分鐘就有熱辣辣麻辣雞翼食啦!
愛心小貼士
玫瑰鍋鎖水功能非常好, 再加上雞翼及本菇亦會出水, 所以今次我都不用加水來炆煮. 但仍要小心留意炆煮期間水份會否乾晒.
