等呀等!............等呀等!.........終於等到星期日來臨可以大玩特玩我的煮飯仔. 今次同埋我的愛妃 (玫瑰鍋) 一齊玩煮 "豉油雞" 呵呵.......好味道不得了, 雞肉夠晒嫩滑, 豉油汁味道非常好. 不消一會就食清晒. 巧開心唷!
![]()
材料
雞 (1 隻 - 單邊擋開), 薑片 (3 塊), 蔥段 (半扎)
八角 (2 粒), 乾蔥 (2 粒 - 切粒)
醃料
紹興酒 (約 2 茶匙)
調味料
生抽 (約100 ml), 老抽 (約 50 ml), 水 (約 200 ml), 冰糖 (2 粒 - 搗碎)
(* 以上份量只係約數, 只可作參考, 每個人口味都不同, 要自行調較適合自己口味)
做法
1) 雞清洗乾淨, 抺乾水份, 用醃料醃約 1 小時, 備用.
2) 開中火下薑片, 蔥段, 八角及乾蔥爆炒一陣, 加入調味料煮滾, 然後加入雞 (雞皮向下) 用細火煮 5 分鐘.
3) 然後反轉(雞胸向下)煮 15 分鐘 (期間要將豉油汁淋在雞皮上).
4) 然後再反轉(雞皮向下)煮 5 分鐘 (期間要將豉油汁淋在雞上), 然後熄火焗 15 分鐘, 就可切件上碟淋豉油汁食用.
