![]()
平時要返工, 回到家最多煮幾個簡單小菜就開飯, 只於煲湯就比較困難. 所以一到週六日有多些時間. 我都會盡量煲個靚湯飲下, 大家係咪都同我一樣呢? 上星期日我就是煲了這個滋潤湯水, 非常好味, 又適合夏季飲用. 不如今週六日大家都煲嚟潤一潤.
![]()
材料
竹蔗 (3 支 - 切段, 再每件切 4 份), 茅根 (1 扎)
馬蹄 (15 粒 - 切半), 紅蘿蔔 (3 條 - 切件), 瘦肉 ($30)
做法
1) 瘦肉清洗乾淨, 汆水, 盛起備用.
2) 竹蔗清洗乾淨, 切段, 再每件切 4 份.
馬蹄去皮, 清洗乾淨及切半.
紅蘿蔔去皮, 清洗乾淨及切件.
3) 玫瑰鍋用中火煲滾一鍋水, 加入所有食材, 當水再滾時用中火煲 20 分鐘, 轉細火煲 2 小時, 就有滋潤靚湯飲了.
