0

【簡易慢煮中式食譜,輕鬆煮大餐】嫩滑慢煮豉油雞-附詳細步驟圖慢煮資料教路

絲房菜 於 2016-09-02 00:00:00 發表  |  累積瀏覽 1820

分類:



慢煮(Sous Vide)其實已經流行了一段日子了,一想到慢煮就會聯想到高級,難度高而且很貴的料理啦。NONONO. 既然現在有細巧易收藏的慢煮棒,在家裡,你都煮得出超水準美味的慢煮菜式,低溫慢煮easy easy, 米媽包保煮的人輕鬆無難度,吃的會很驚艷吃不停口啦。




慢煮多數都是西式料理多,很少見有中式食譜吧,米媽想說,其實都是一樣道理百理明啦,跳出框框,其實,只要你想要的,都可以大膽的試一試呢。這次米媽就用慢煮棒煮中式食譜,嘻嘻。



豉油雞吃得多,慢煮的豉油雞相信比較少吃到吧~~而且….只要幾個步驟…將調味料煮勻,把調味料及雞倒入密實袋中,放進已預熱好的煲中,開始慢煮就可以了! 時間一到就可以吃~~超滑嫩原汁原味的豉油雞就完成了…..中秋又就到….過節又點可以沒有最靚既豉油雞呢~~~
食譜: 材料: 1.  生抽—250毫升 2.  老抽-10毫升 3.  水—250毫升 4.  冰糖—100克 5.  八角—兩粒 6.  薑—兩片 7.  蒜頭去衣拍扁—兩顆 8.  蔥—1棵 9.  光雞—1隻
用具: 慢煮棒,密實袋1個 (質料適宜慢煮)
做法: 1.  先將慢煮棒夾實鍋邊,注滿水至適當深度,設定慢煮棒攝氏75度,時間2.5小時,等待鍋中水預熱至攝氏75度。 2.  將雞洗淨開邊成兩件。蔥洗淨。 3.  將生抽,老抽,水,冰糖,八角,薑,蒜頭,蔥,倒進煲中煮至冰糖溶化熄火放涼備用。 4.  將雞放進密實袋裡,倒進汁料。 5.  等慢煮溫度已預熱至75度時,慢慢將密實袋放入水中,水壓會迫出袋中空氣,然後將密實袋封口密封,用夾將密實袋夾在鍋邊。期間要確保整隻雞都浸在水中,便可以開始慢煮2.5小時。 6.  慢煮時間到後,便可以將密實袋取出,將雞拿出斬件,淋上豉油汁便可以享用。 詳細步驟圖黎喇~



米媽用果支慢煮棒係有手機APPS程式,用手機輸入慢煮時間溫度同埋可以監察住。
入左去程式後,揀返攝氏。
之後就可以去輸入返溫度同埋時間。
無既話,手動都可以輸入,無問題的。




 材料就係咁簡單~~
中意既都可以自己再加減~




 落曬D汁料落去煮勻先




 冰糖可以先扑碎,容易溶些。




 買雞,斬開兩件先慢煮易熟,反正之後都要斬件架啦~又唔係成隻拎黎咬~




 斬開兩件~




 連埋內藏,放入密實袋




倒入放涼左既汁料



差唔多完成喇~




支慢煮棒記得夾實煲邊,同埋最緊要注意個水位一定要超過佢指定既水位先得,佢有寫住。


好似咁~




無手機程式,都可以手動~ 你SET好曬之後,就可以按開始,佢會開始預熱鍋入面既水到達你要求的溫度,今次係75度。 米媽TIPS: 先煲一煲D水,差唔多溫度先插支棍落去開始預熱,咁樣可以節省唔少預熱時間~



 好喇,水溫到75度喇,可以將隻雞放入水度,記得慢慢放,同埋密實袋記住係開口,等水壓將袋入面的空氣迫出,形成真空,等隻雞完全浸入水中,排出多餘空氣後,就可以將密實袋口密封住。用夾夾在鍋邊。






密實袋記住係開口,等水壓將袋入面的空氣迫出,形成真空,等隻雞完全浸入水中,排出多餘空氣後,就可以將密實袋口密封住。用夾夾在鍋邊。 (如用真空袋就直接放入水中)



 同埋密實袋記住係開口,等水壓將袋入面的空氣迫出,形成真空,等隻雞完全浸入水中,排出多餘空氣後,就可以將密實袋口密封住。用夾夾在鍋邊。





同埋密實袋記住係開口,等水壓將袋入面的空氣迫出,形成真空,等隻雞完全浸入水中,排出多餘空氣後,就可以將密實袋口密封住。用夾夾在鍋邊。



 開始喇~~





完成喇,時間到就可以拿出雞,斬件,淋上汁料。





放涼先斬件。 米米偷雞...




 估唔到係食雞腳先~~




 米媽的試食專員~~~




手機APPS 版面有很多有用的慢煮資訊以及食譜,材料,步驟,煮法,可以多多善用呢,不過可能是外國牌子,只有西式慢煮食譜,米媽還是喜歡多用慢煮棒來試試一些家常小菜~

米媽教路: 1.  慢煮前記得先做功課,對慢煮有基本認識,知道慢煮的食物類別及溫度,時間的最低要求,真空袋及密實袋要的質料安全,確保食物安全才開始使用。 2.  慢煮不一定要用真空機及真空袋,平時的密實袋也可以用來慢煮,原理一樣,只要將密實袋放入水中時,由水壓將袋中的空氣迫出形成真空狀態。但要確保密實袋質料適宜長時間浸在低溫無害以及可煮食物級別。請看多少少資料:慢煮與食物安全 3.  雞剛取出時,稍為放涼才斬件,斬件會更漂亮。 4.  冰糖,老抽,水的份量可以因應個人口味酌量加減。 5.  慢煮好的豉油汁,喜歡汁比較濃稠的,可以倒入煲裡用中大火煮至汁稠。 6.  慢煮時間視乎雞的大小,這次是中等大小的雞以及斬成兩件,容易熟。如果全雞就要更長時間,或可嘗試攝氏67度6-7小時。 7.為節省預熱時間,可以先將鍋中的水煮到差不多溫度或是暖水,才將慢煮棒放入,開始使用
慢煮功課: 米媽除了以上的一些簡明注意事項外,也做了一些功課要點,要慢煮,也要安全,對吧~ 1.  為確保食物安全,建議用真空低溫烹調法烹製的食物中心溫度應達至少攝氏75度30秒,或相當的溫度/時間組合,例如攝氏65度10分鐘;70度2分鐘,但食物的中心溫度不應少於攝氏60度45分鐘。政府連結 2.  高風險人士(長者、幼童、孕婦和免疫力較弱的人)應避免進食未經徹底煮熟的食物。 3.  慢煮用的真空袋及密實袋需嚴選可受耐熱程度,一般會選可受耐熱攝氏60度以上。
好喇~米媽都會陸續分享多些慢煮食譜,等大家可以善用手上支神棍,輕輕鬆鬆煮出好味既菜式,米媽煮就叻,要影相,執相,寫食譜,資料搜集都要超過兩日時間先可以出到一篇食譜分享,因為想大家都可以成功試煮。無私的分享需要大家的支持!請多多點讚,留言,分享出去~


食譜版權: 絲‧房菜SICI CHONG https://www.facebook.com/sicikitchen/


感謝 絲房菜 提供以上資料

絲房菜 的個人日誌: www.siciwonderwall.blogspot.hk/

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 602835

全部攻略 520

全部回應 111