0

情人節煮意-慢煮香草牛扒伴紅酒醬汁 -附食譜

絲房菜 於 2017-02-10 00:00:00 發表  |  累積瀏覽 1089

分類:



情人節想煮美食俾另一半,同時又想留返多D時間打扮同過二人世界? 其實真係得架!

等米媽分享下經驗,平時同米爸撐台腳時,米媽都會煮大餐,但係米爸成日都覺得米媽好神奇,入一入廚房就可以變到好多野食出黎。其實,只要事前做好準備,或者準備一些可以事前炆煮嘅食物。煮好嘅食物,到食之前加熱就得,一來可以節省當日嘅煮食時間,留返黎同另一半過二人世界,二來又可以確保食物美味。相反如果即場煮,煮出黎嘅效果唔好,就會有點掃興了。

所以呢,今年情人節,米媽就用東芝水波爐幫手,輕鬆煮出主菜,配菜,以及甜品,留返多D時間同米爸嘆下二人世界,留意下面同聽日嘅分享啦!

大家有無想過可以用水波爐煮慢煮菜式?  嘻嘻,其實可以的。 可以當日早上先準備好醬汁,用爐蒸好配菜,食之前大約1.5小時先將牛扒放入東芝水波爐中開始慢煮。之後用焗爐高溫烤3-5分鐘便可以出爐,放上配菜,淋上醬汁便完成了~~

大家先來看圖學煮啦~



 材料~~~



 先將牛扒灑上海鹽、黑椒碎、香草,放上牛油




 再放入可慢煮的真空袋中抽真空備用





先用煲煮紅酒醬汁部份,乾蔥頭去衣、切片備用。




 煲中下一半牛油,爆香蔥頭,下紅酒煮至份量濃縮為一半




 之後下黑椒、海鹽、糖及另一半牛油拌勻便可。(到牛扒慢煮完成後,將袋內的牛肉汁倒入紅酒醬汁內煮滾便可)



將配菜洗淨加入海鹽及黑椒碎,水波爐黑色焗盤放下層,放入配菜



水箱注滿水



 調校STEAM MODE  10分鐘。蒸5分鐘後取出西蘭花,關上爐門,按start掣,繼續蒸薯仔及甘筍仔至10分鐘。蒸好後備用。




 之後便到牛扒部分,將真空了的牛扒浸入一盤已煮至55度的熱水中



 再一起放入水波爐最底層



 用東芝水波爐PROPER STEAM MODE,調校至55度,蒸1.5小時。蒸完取出,將爐內用乾布抹淨。



 取出後,將真空袋內的汁料倒在紅酒醬汁中煮滾,而牛扒放在焗盤上



 放入水波爐最上層



 用CONVECTION MODE,已預熱攝氏250度的爐中焗5分鐘便可出爐。



切片擺好盤,淋上醬汁便完成。

材料: 1.    一吋厚西冷牛扒—一塊 2.    迷迭香香草—兩棵 3.    牛油—20克 4.    海鹽—適量 5.    黑椒碎—適量 配菜材料: 1.    迷你薯仔—2個切半 2.    西蘭花—3朵 3.    甘筍仔—8條 4.    海鹽-適量 5.    黑椒碎-適量 紅酒醬汁: 1.    紅酒—300毫升 2.    乾蔥頭—兩棵 3.    黑椒-1/2茶匙 4.    海鹽—1/2茶匙 5.    牛油-20克 6.    糖-2茶匙
1.    先用煲煮紅酒醬汁部份,乾蔥頭去衣、切片備用。煲中下一半牛油,爆香蔥頭,下紅酒煮至份量濃縮為一半,之後下黑椒、海鹽、糖及另一半牛油拌勻便可。(到牛扒慢煮完成後,將袋內的牛肉汁倒入紅酒醬汁內煮滾便可) 2.    將配菜洗淨加入海鹽及黑椒碎,水波爐黑色焗盤放下層,放入配菜,調校STEAM MODE  10分鐘。蒸5分鐘後取出西蘭花,關上爐門,按start掣,繼續蒸薯仔及甘筍仔至10分鐘。 3.    之後準備慢煮牛扒,先將牛扒灑上海鹽、黑椒碎、香草,放上牛油,再放入可慢煮的真空袋中抽真空。將真空了的牛扒浸入一盤已煮至55度的熱水中,再一起放入水波爐最底層,用東芝水波爐PROPER STEAM MODE,調校至55度,蒸1.5小時。 4.    取出後,將真空袋內的汁料倒在紅酒醬汁中煮滾,而牛扒放在焗盤上,放入水波爐最上層,用CONVECTION MODE,已預熱攝氏250度的爐中焗5分鐘便可出爐。 5.    切片擺好盤,淋上醬汁便完成。
米媽分享: 1.    如果家中冇真空機及真空袋,可以改用密實袋,請嚴選耐熱質地及受熱可達攝氏60度或以上的密實袋。把牛扒、海鹽、黑椒碎、香草及牛油放入密實袋(不用封口),密實袋浸入裝有水的深鍋,水壓會自然把袋中空氣排出,然後封好袋口,注意不要讓水流入袋中。 2.    PROPER STEAM 同STEAM MODE都不含微波,夠曬健康。
食譜由FACEBOOK絲.房菜專頁SICI CHONG提供(FB: SICIKITCHEN)

感謝 絲房菜 提供以上資料

絲房菜 的個人日誌: www.siciwonderwall.blogspot.hk/

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 601620

全部攻略 520

全部回應 111