天氣涼了，係時候整煲煲暖胃，首選一定係蘿蔔牛腩，袁生的至愛，不過整次前都要去街市觀察有冇靚靚牛腩，去牛肉檔見到有靚靚牛坑腩，買左一大舊，五十大洋都唔駛，好便宜喎
牛肉檔哥哥仲俾左少少牛骨我，叫我加埋清湯一齊炆牛腩，話好正喎，'好"，見你咁講，我一於試下，快快手去買埋白蘿蔔就可以回家了。
材料 : 牛坑腩1磅半，白蘿蔔1條，牛骨，清雞湯250ml，冰糖
做法 :
1. 牛腩(不要切)用薑片，蔥段出水10分鐘，白蘿蔔去皮斜切成件
2. 牛骨飛水備用
3. 燒紅鑊，爆香薑片，加入牛腩炒香，贊酒，再加入牛骨，清雞湯，冰糖，水(份量要蓋過牛腩)
4. 大火煮滾後轉慢火炆1小時，再加入蘿蔔炆30分鐘，熄火焗30分鐘
袁太飯後感 :
雖然平時的我唔燧太喜愛牛腩，不過今次真係炆得好諗，舊牛坑腩果然係靚野，算個牛肉哥哥冇點我，如果唔係我一定回去拆佢招牌，嘻 ... 另外炆牛腩的湯汁味道濃郁，飯都可以食多幾碗。
