之前包春卷的時候
，醒起仲有約半包春卷皮放係冰箱，心血來潮之下又想包春卷
，但如果好似之前咁
，又係包雜菜餡好似有少許悶，就算我冇所謂
，袁生都會投訴，所以就要諗辦法攪攪新意思
，唔整鹹味的話，可以試下整甜味
甜味春卷 ??? 應該會幾得意，但甜味餡又應該用咩材料呢 ???
等我去超市逛一逛睇下先，見到有白玉粉
就企係度諗，如果炸春卷的脆卜卜感覺再加上小丸子的軟棉棉，唔知味道會唔會好特別呢 ???
![]( "花生丸子炸春卷-2")
再加埋少少花生茸一齊包，包好後拎去炸，
話咁快攪掂有得食
花生丸子炸春卷
丸子材料 : 白玉粉<230g>，熱水<180g>
做法 : 將熱水加入白玉粉中搓成粉糰，再將粉糰搓成小丸子形狀，燒滾水後將小丸子煮至浮起，撈起備用
花生茸材料 : 花生碎，白芝麻，椰絲，砂糖<適量>
做法 : 將全部材料拌勻即可
將小丸子同花生茸拌勻成餡料備用
將兩粒花生丸子放在一塊春卷皮上，包好後用麵糊封口，鑊中加入油，將春卷放入鑊中用慢火炸至兩面金黃色即可
當炸完春卷稍為待涼
，又係時候請白老鼠出場，個位就係袁生，梗係要俾袁生試下味先
，袁生食第一啖之後就話"幾特別喎"，Oh Really
，不過其實食到第二條都開始飽飽地 !
感謝 袁太廚房 提供以上資料
袁太廚房 的個人日誌: www.elanie-kitchen.blogspot.hk/
