白汁洋蔥豬扒

屋企廚房每時每刻都有幾罐金竇湯看門口

因有時放工放的原故，但又唔想落街食，開罐金寶湯就咩問題都解決了

何況最近袁太成日要去醫院，來來回回番到屋企都已經係夜深

又想煮餐飯俾袁生食，唔通日日都叫外賣咩 ???

就算袁生肯，我都唔肯，所以就選擇煮比較快捷的餸菜

而百寶箱(雪櫃)有豬扒，只要簡簡單單買個洋蔥，本菇，再加上金寶湯

唔需要好長時間已經整好呢碟"白汁洋蔥豬扒"

以前整豬扒多數整洋蔥豬扒，袁生都話袁太整得味道比較淡

反而今次的白汁豬扒，袁生相當滿意 !





~白汁洋蔥豬扒~
材料 : 無骨豬扒<3塊>，洋蔥<1個>，本菇<1包>，金寶蘑菇忌廉湯<1罐>
醃料 : 生粉，糖，生抽，麻油，水<少許>


做法 :
1. 豬扒一開三切好後用刀背拍一拍，加入醃料拌勻醃15分鐘

2. 洋蔥去皮切絲，本菇洗淨去蒂，金寶湯加水煮成湯後盛起備用

3. 燒紅鑊，將豬扒煎至兩面金黃熟透盛起

4. 再燒紅鑊，爆香洋蔥至軟身，再加入榻菇炒至熟透，加入金寶湯拌勻至滾起及煮至杰身

5. 最後將豬扒回鑊兜勻即可



感謝 袁太廚房 提供以上資料
袁太廚房 的個人日誌: www.elanie-kitchen.blogspot.hk/