行開街市見到有新鮮蘆薈賣，見最近天氣咁熱，個人又冇咩胃口
不如就買條蘆薈番去做果凍喇，未食都知透心涼
但果凍除左蘆薈，仲可以加咩材料呢 ???
屋企一年三百幾日都有樽冬蜜係度，就用冬蜜做材料
有蜜糖點可以冇菊花呢，再去藥材鋪買少少菊花，仲有大菜絲添
其實初初想用模具黎整既，但搵成個廚房都搵唔到
咁唯有用冰箱的製冰器黎做模具，反而整出黎細細粒，可以一口食晒
袁生覺得咁樣仲方便，呢個果凍一d都唔難整，而且材料新鮮，大家得閒都試下喇 !
![]( "一口蘆薈菊蜜凍-4")
材料 : 新鮮蘆薈<1條>，菊花<$5>，冬蜜<2湯匙>，大菜絲<少許>
做法 :
1. 蘆筍去皮切粒備用
2. 大菜絲切碎洗淨，用1 1/2杯水煮溶，燒滾1杯水，加入菊花焗約15分鐘至出味
3. 將大菜水，菊花水，冬蜜拌勻，加入蘆薈粒拌勻
4. 倒入製冰模具中，待涼後，放入雪櫃冰箱至凝固即可
