夏天咁熱的天氣，煲下椰子湯都唔錯架，甜甜地夠晒潤
不過如果用椰子煲湯梗係一定要加埋雞喇
袁太除左例牌買雞腳外，雞檔嬸嬸話用埋雞胸殼，d湯會好好味個喎，好喇 !
一於試下用雞胸殼煲湯，另外材料就有 : 栗子，圓肉，幾粒螺頭，蜜棗
今次個湯係冇落其他肉類，反而覺得好好味，椰子圓肉好香，雞味好濃
真係一試就愛上了
就連袁生唔鐘意甜湯的人都覺得好味道，仲飲左兩大碗咁多添 !
材料 : 椰子<1個>，栗子<16粒>，螺頭<4粒>，圓肉<12粒>，雞腳<4隻>，雞胸殼<1隻>，蜜棗<2粒>
椰子切件，雞胸殼洗淨飛水備用
雞腳去甲後飛水，放入冰水內備用
煲內放入適量水及蜜棗，待滾後加入栗子，圓肉，螺頭用大火煲30分鐘
再加入椰子，雞胸殼，雞腳煲30分鐘後轉慢火煲2小時，下少許鹽調味即可
感謝 袁太廚房 提供以上資料
袁太廚房 的個人日誌: www.elanie-kitchen.blogspot.hk/
