煲完薏米水之後,又要開火煲西洋菜蜜喇,又要煲個幾鐘,同埋最近天氣時凍時暖,每日訓醒個喉嚨好似乾乾地咁,所以得閒最好煲d滋潤的野飲下。
唉 ... 不過最衰袁太而家唔飲得,真係諗下都想喊,仲記得上年煲西洋菜蜜的時候,爹地簡直讚不絕口,仲記得以前細細個,家家戶戶都會去超市買一樽西洋菜蜜番屋企,想飲的話就咁沖水就可以,真係好鬼死方便,但味道就甜左少少,所以都係自己親手煲的好好多,而且好味又有益,而袁生都好鐘意飲架,仲飲左好多杯添 !
~西洋菜蜜~
材料:
西洋菜 ------ 半斤
蜜棗 ------ 3粒
冰糖 ------ 適量
做法:
<1>西洋菜放鹽水中浸30分鐘,清洗乾淨備用。
<2>蜜棗洗潔備用。
<3>煲內放入適量水,待滾後放入蜜棗,西洋菜用中火煲30分鐘。
<4>再轉慢火煲1小時,加入適量冰糖調味即可。