檸檬薏米水

平時新的一年，袁太一定有幾件事要做，因為1月1日係媽咪生日，除左踏入零時零分要打俾媽咪講聲"生日快樂"外，整生日蛋糕俾媽咪都係袁太負責，仲有每年1月1日都會成家去BBQ。


而每年BBQ，就一定會煲薏米水同西洋菜蜜，不過最慘的係，因為袁太而家唔食得涼野，但薏米同西洋菜蜜都係屬於涼野，咁我咪冇得飲，咁煲的時候唯有叫袁生幫手試味喇 !


好喇 ! 首先講下檸檬薏米水先，呢個無論熱飲，凍飲都好好味架，簡直男女老幼都飲得，而且功效仲好多添 ! 可以解暑，增加食慾，改善脾胃功能，同埋可以袪濕美白架，次次煲完拎去BBQ，都係袁太煲的飲品最快沽清，爹地，媽咪，袁生，家姐，姐夫個個都好鐘意，上年見家姐仲好鐘意食薏米，所以今次留起左好多薏米俾家組慢慢食，不過今次只係煲左1.5公升的份量，好似唔係好夠飲喎，咁袁太下年要煲多d先得lu !



~檸檬薏米水~

材料:
生，熟薏米 ------ 合共$10
蜜棗 ------ 2粒
檸檬 ------ 1個
冰糖，水 ------ 適量



做法:
<1>生熟薏米洗淨浸1小時，檸檬浸30分鐘(除農藥)，將皮削下備用。

<2>煲內放入適量水，放入蜜棗，生熟薏米用大火煲30分鐘。

<3>加入檸檬皮，冰糖煲15分鐘，最後加入檸檬汁(份量隔個人喜好而定)即可。