日本菜招呼好友！果醋醃燒鯖魚

尋日好友聚舊，順便話試下我手勢，哈哈，似乎我屋企係個唔錯嘅聚腳點：P 諗menu都好頭痕，（but 我enjoy，hahaha）老公叫我整嗰啲又俾我band晒，WAKAKAA 我成日都好鍾意試新嘢，我嘅好友某程度上都成為左白老鼠，WAKAKAKA 好彩，都唔失禮＞V＜

我又好鍾意和食，份量每人一口，不多不少，已有滿足嘅感覺（整得差除外XD）今次呢個菜需要2日前準備，買材料都頭痛，事關有一個材料叫茗荷，我淨係睇小丸子時知道傳說茗荷係一樣食左會令人變蠢嘅東西，wakaka，（是實係，都係傳說，話有個日本和尚食左一頓茗荷料理後，覺得非常美味，連往事都通通忘記。）我搵左好耐好耐，都唔知可以喺邊度買到佢，最後我上網知道佢係薑類植物，中國又名野生薑，咁我就搵左日本子薑來代替，而且我買醃過嘅子薑，增加醃料嘅味道。

～Recipe～

材料 Ingredients：

鯖魚 2條
乾蔥 7粒
醃子薑 4條
蝦夷蔥（chives）1束
蒜頭 1個

果醋料：

昆布高湯 3大匙
鰹魚片 約30g
醋橘汁 360ml
濃口醬油 6大匙

1. 製作高湯。抺淨昆布浸軟後，凍水放入昆布煮滾後取出昆布，放入鰹魚片，轉小火，見鰹魚片沉底後ok，用棉布隔出高湯。
2. 製作果醋。將果醋料拌勻，若買的醋橘汁有果肉，或者自己搾，拌後要用棉布過濾，棉布要先冰鎮備用。（但我買的這隻沒有果肉，我不需要過濾，我想不需要2天前做，1天前就可以。）

1. 洗淨印乾鯖魚，離30cm高灑上少量鹽於魚皮上（要夠高才能均勻分布），預熱焗爐，180度焗6mins翻面焗3mins，取出後用火槍燒魚皮使其略焦
2. 將乾蔥、蒜頭、蝦夷蔥、醃子薑切末，放入醋水中約半小時，僻除嗆口感後，用棉布或魚袋去除水份。
3. 鯖魚切8件，放入食物盒，加入果醋汁至蓋滿鯖魚，鯖魚會浮起，可在上面放一個適當size的食物盒蓋，冷藏1天。

今次用呢隻醋橘汁

2隻偷食大魔怪，好啦，俾條魚尾仔你啦～

雖然日本料理工序煩覆，但係每一樣加落去嘅食材都為菜式增加分數，無論係味道、口感、賣相，所以去食日本料理時真係可以感覺到料理師傅嘅heart，呢樣都係我鍾情日本料理嘅原因，可以喺屋企整日本料理係我嘅理想（極誇張，嘩哈哈哈XDDDDD）。。。

感動～！
大家都好像好喜歡！謝謝賞面 ^3^

最後開支清酒，精米39﹪，一般。