首先，梗係清潔啦！先洗乾淨塊面。右下角嗰部係蒸面機，（其實部機已經幾年前我妹嘅X’MAS抽獎禮物，不過噚日我先至第一次用佢）我見妹妹有2粒痘痘，我就施展高超嘅針法幫佢清左佢啦，結果...係清到嘅！YEAH！針清之後再Hitachi離子機做個深層導出。由於部機做完半邊面無左電，另一邊就用返Haba機做導出。2 部機做完，都見唔到黃黃啡啡既污垢出現......mm......其實之前我自已幫自已做都比較過2部機，但係都無“污垢”，上網查過，話污垢之所以變成黃黃啡啡係因為氧化左。。。
then，我無再深究落去。我直接睇下做完半邊面嘅效果，雖然唔見啲污糟嘢，但係皮膚係亮左，2部機都達到呢個效果，但比較上嚟，好似用完Haba更亮。但一點是，用Haba機要配合佢嘅專用面膜紙＋G lotion做，（因為嗰隻面膜紙夠透薄先可以導入佢哋品牌嘅Ion。）可能是這樣，比起我用Hitachi機＋cotton pad＋G lotion有少少差別。另一點是，Haba機有一個優勝之處，就係做緊嗰時佢會有色燈，for cleansing就會有藍燈：作用係清潔、消炎、殺菌；for refining會有紅燈：作用係提升、收緊。姑勿論呢啲燈係有無用，而我自己都唔太相信同無證實過，又，坊間美容院都有啲咁嘅照燈美容，我都會覺得有燈感覺係勝於無燈的。
第二個程序就係導入喇，我用返Haba嘅 White lady嚟做，加埋H2O嘅collagen eye mask，H2O呢一個同埋green tea essence嘅eye masks都係我嘅favourite，次次做完都即刻好refresh，同埋最緊要係有效丫嘛！
![]()
|
|
左：Hitachi Hada Crie
右：Haba Ion My Esthe II
|
兩部機，Hitachi機有個我唔鍾意嘅地方，就係佢係用緊嘅時候係好似電話震機咁嘅感覺，個人嚟講就麻麻地呢個感覺；不過用佢做cleansing就方便過Haba好多，用張御妝棉套落部機度就得。另一樣就係，Haba有2個機頭，可以做埋眼，同埋佢係滾動設計，都比較好推。但講起導入後嘅效果，點都會靚左嘅，因為皮膚受過壓力再放鬆，循環會好左，又用左咁多靚serum。都係嗰句，要keep㗎！不過總結嚟講，我都覺得值得買嚟得閒用下，逼自己勤力啲都好。尤其係導出，因為清潔真係好重要，毛孔乾淨，粒粒又少啲，面油少啲，面色又均勻啲，essence都會吸收得好啲。所以，唔得閒成日出去做facial，花多10分鍾做下家用美容真係可以改善皮膚。
Last but not least，人手按摩！！我用我自家手法，綜合通淋巴同非常舒適嘅美容按摩，再加埋非常喜愛嘅fresh Rose Face Mask，全部一滴不漏按晒入肌膚裡面，你話正唔正！嘩哈哈哈～～＞V＜
話時話，我簡唔屎都會好有興致做facial，不過係幫阿妹；自己，甚少。自己點做啫，又按唔到摩：（ 幫佢哋做仲開心過幫自已做，哈，呢盒fresh 我自己都未用，就用左喺2個妹身上喇^V^）不過試用完呢2部機，都覺得幾好玩，下次見到其實正嘢都可以買嚟試下！
你睇下，綾瀨遙美肌就係咁喇！！！ XDDDDD
呢期家用美容機咁hit，希望我嘅比較可以幫到想買又唔知買邊部嘅朋友啦＝）
感謝 MavisT.C. 提供以上資料
