呢個聖誕瘋狂咁玩，差唔多晚晚都過3點先訓，玩到而家2013，哈哈！等我而家post下我家嘅聖誕大餐先：D
本來諗住整春雞，但嗰日行citysuper見到啲鵪鶉，又好想試下整。哈！因為係即慶，就亂整，用香草黑胡椒醃下，然後用紅酒燜。味道都OK，但沒有濃濃紅酒味，相信係沒有用紅酒醃的原故，又唔知點解唔上色，隻鵪鶉都係白白的；P 我覺得整鵪鶉好過春雞，啲肉好嫩，又易handle，下次我會試下用另一個方法再整。
呢個他他，由妹妹切粒。一睇就知係4層，由高至低：煙三文魚，蛋沙律，蕃茄，鱸魚。鱸魚好貴啊，一細件百幾蚊，但真係好鮮甜，輕輕煎過。他他變成圓柱型，好簡單，買一個模再逐層壓上去，放入雪櫃後拿走個模就成。個模Citysuper 有售。
再加上呢個柚子醋，好開胃：D
菠菜忌廉雲吞，煮好菠菜剩涼後與雞湯放攪拌機內拌均，再放回鍋煮熱成湯，加入雲吞，最後下忌廉一起煮，好簡單！
呢個係妹妹從意大利買來的醋醬，記得我哋喺Armani Restaurant食過一隻甜品係用陳醋點雪糕食的，所以我哋有樣學樣，拎個Dryer's Almond雪糕嚟點，呵呵，味道見仁見智。
感謝 MavisT.C. 提供以上資料
MavisT.C.的網誌:http://www.mavistc.blogspot.hk/
