呵呵呵～好開心呀，今晚整左呢個北京風味嘅晚餐！噚日去左中環，順路去買左兩盒王府嘅餃子，因為自以前中環返工時已深深愛上呢一家餃子。佢係北京人開的店，老闆娘是北京腔的，很有地道的感覺；佢啲餃子望落不是皮薄的那種，但口感非常軟滑，肉菜的比例也很好，吃落沒有豬肉肥膏的味道，反而充滿著菜的新鮮甜味，很juicy；加埋陳醋一齊食，真係覺得好滿足。話說回來，買左兩盒餃子（最愛津菜餃，推介：D），就諗下今日配咩餸好，結果就諗到整蒜泥白肉，同埋雞絲粉皮喇！
白肉用左五花肉，用薑、蔥、酒來回炆焗炆焗嘅方法令肉稔身，然後放冷水待涼再切片。初頭以為好簡單，最難嘅步驟係切片，上面個皮又超軟個肉又相對實，用指力㩒住又驚整爛啲皮，啲肉身又'lun'住啲肥又'lun'返住啲肉....唔，對我呢啲興趣班嚟講，真係唔簡單呀～結果我好彩都切得到「幾乎」每舊都皮連肉，嘻X）
個汁用左蒜、芫茜、辣椒、辣油、麻油﹠甜豉油
涼拌雞絲粉皮好簡單，撈埋晒，搞掂，哈哈！調味醬自已用左屋企啲shabushabu麻醬溝左啲頂好牌花生醬（粗粒），想個醬濃啲～
![]()
|
|
妹妹主理嘅涼拌雞絲粉皮
|
上邊嘅黑色船形碟首次開光，love it >V<
哈哈，整嘢食真係好有成功咁，估唔到自已都可以喺屋企整到呢個晚餐！！
王府好似係米芝連，唔知今年係唔係，但買外賣擺左一日都一樣咁新鮮好食！你哋都試下啦：D
感謝 MavisT.C. 提供以上資料
MavisT.C.的網誌:http://www.mavistc.blogspot.hk/
