我嘅食大閘蟹年資：1年
我上年至開始識得欣賞呢種時令食品，因為娘家係唔好呢啲嘢，而奶奶每年都一大箱咁攞落嚟，真係唔食唔得啦＝）上年我食左8隻，食到面同身都生左濕疹（我係未生過架），哈，今年至知原來可以飲薑茶，或者用紫蘇一齊蒸，OK～
記得上年新入伙時，屋企幸得個雪櫃同蒸爐，碟都無，好似求其有把鉸剪，奶奶又拎左十幾隻上嚟，好彩蒸爐附有蒸架，我哋嘅第一餐入伙宴應該就係食大閘蟹了，而我都係由嗰時先開始覺得鍾意呢個美食，諗起幾有趣！
昨日15隻大閘蟹運到在下雪櫃
上日文嘅星期三，係最食無定時嘅，10點放學返屋企蒸左3＋2隻做宵夜！嘩哈哈～
唔知有無人都係咁食架呢？
剪齊蟹腳，然後甩開最尖嗰部位，向住剪齊左個度一‘督’，不費吹灰之力，
成條蟹腳肉就出嚟喇！
正！
食蟹係好開心，但係諗起上堂嗰陣，我個日文同學話佢啲好勁嘅同學以前考1級會操2年paper要攞160分以上（170滿分啊！），而家我哋2級佢話佢自己最遲都要考之前半年開始，開始係操paper，不是溫習，OMG！我還在漏氣，睇嚟而家就要咪了…：（
感謝 MavisT.C. 提供以上資料
MavisT.C.的網誌:http://www.mavistc.blogspot.hk/
