旺角 - 妹記生滾粥品

在香港有好多臥虎藏龍的食店，這間很難說是還是不是，但單睇價錢就應該是，起碼坐底睇睇價錢牌有點打個突，以街市大排檔來講不單止有點貴，直頭就係貴，當然貴不貴還得看食物水準。  
這裡有鮮魚皮食，即是涼拌生的鯇魚皮，但講真真係唔夠膽食生的淡水魚魚皮，還是正 正經經點個粥來試試，點了個舖頭推介的秘製肉丸粥。粥底都幾有鮮味幾綿，有少少魚味，應該有加魚進去煲粥，所以粥入面亦有很少的一點魚骨，但無奈雞粉味很 重，與其說吃到的是魚鮮味不如說是吃到雞粉味，因為雞粉味明顯太濃比魚味更濃。肉丸比想像中細粒很多，不過又比想像中多幾粒，其實所謂的秘製，咪又係最標 準的粥品豬肉丸做法，即在攪爛豬肉內加些大頭菜，還未去到最幼細的做法，即手切半肥瘦豬肉至很細碎再稍稍剁剁便做肉丸，食時還可食到肉粒的，當然用這類肉 丸又不止賣這個價錢。  

這裡的粥品算做得唔錯，但自己還是覺得稍稍有點貴。其實一般人在家中煲(廣東)粥又話燶又話黐底，九成九九都是唔知自己做緊乜，有機會再講講點樣煲粥，和你所認識的相信很不一樣。

感謝 All About Foods 提供以上資料
個人日誌: http://hkgfoods.blogspot.hk/