已幾日無寫過 blog, 大家有無掛住我呢? 其實這幾天都係去咗外食. 與家人及朋友歡歡樂樂過了幾日.
但今日諗咗成日都唔知煮咩好. 只係去到街市見到啱心水食材就買咗先. 回到家忽然諗到不如用 "日式三寶" 來過日式料理都好喎! 結果話咁快就煮到個送飯一流好餸出嚟啦!
![]()
材料
雞脾肉 (1 包 - 已切粒), 薯仔 (1 個 - 切薄片)
洋蔥 (半個 - 切條), 蒜頭 (4 粒 - 切粒)
醃料
生抽 (2 茶匙), 糖 (1 茶匙), 紹興酒 (半茶匙), 胡椒粉 (少量)
油 (半茶匙), 生粉 (半茶匙)
調味料
日式三寶: 日式醬油 (4 湯匙), 味醂 (2 1/2 湯匙), 料理酒 (1 湯匙 - 贊酒用)
另加: 糖 (1 茶匙), 暖水 (100 ml), 鹽 (少量)
1) 雞脾肉粒清洗乾淨, 抺乾水份, 用醃料醃約 30 分鐘, 備用.
2) 薯仔去皮, 清洗乾淨, 切薄片, 備用. (*未煮之前用水浸住免變色.)
3) 洋蔥去皮, 清洗乾淨及切條, 備用.
4) 燒熱平底鑊落油, 下蒜粒爆香, 加入洋蔥炒軟身, 下雞脾肉粒及薯仔炒勻, 贊酒. 加入調味料拌勻, 下暖水加蓋用中細火煮約 10分鐘, 加入適量鹽調味, 之後轉大火煮至收汁就可盛起食用.
來 Facebook 按 "讚好" 給我支持啦!
)，我母親大人最拿手係薯仔燉雞翼，煮左30幾年，不斷改良，味道一流，諗起就流口水～
呢個我真係唔知喎
