![]()
好快就會踏入 4月, 而天氣都無之前咁凍. 在街上見到多咗人開始穿得比較少 d, 但在這種天氣下, 大家仍然不要掉以輕心呀! 以免冷親.
今次煮呢個排骨用豆腐做主角, 我覺得應該會不錯, 果然係得架! (雖然個外觀無咁吸引). 而且食後感覺比較清淡d, 無咁油膩膩又健康.
材料
百福蒸煮豆腐 (1 磚), 排骨 ($20 - 已切件), 蒜頭 (4 粒 - 切粒)
醃料
生抽 (1 湯匙), 糖 (1 茶匙), 紹興酒 (半茶匙)
油 (半茶匙), 生粉 (半茶匙)
調味料
麵豉醬 (1 湯匙), 暖水 (約 100 ml), 糖 (半茶匙)
紹興酒 (少量 - 贊酒用)
做法
1) 排骨清洗乾淨, 抺乾水份, 用醃料醃約30分鐘, 備用.
2) 燒熱鑊落油, 爆香蒜粒, 加入排骨炒勻, 贊酒, 下麵豉醬兜勻. 加入暖水加蓋煮約 5分鐘, 期間下糖調味. 加入豆腐再煮約 5分鐘, 盛起食用.
