因我家 Honey 係鐘意食全熟蛋. 所以今次炒蛋係比較熟. 如果妳/你都喜歡食熟蛋咁就啱. (其實我係喜歡食嫩滑滑炒蛋).
而我煮法係會將蝦仁灼熟先再撈埋雞蛋一齊炒熟. 而亦會有人係會炒熟蝦仁再加埋雞蛋同炒熟. 其實各人用方法都會有所不一樣, 但至緊要係家人及朋友愛食咪得囉!
材料
蝦仁 ($20), 雞蛋 (5 隻), 蔥 (1 扎 - 切碎)
調味料
鹽 (半茶匙)
做法
1) 蝦仁清洗乾淨, 用滾水灼熟, 盛起隔水備用.
2) 雞蛋拂勻, 下蝦仁及蔥花, 加入鹽撈勻.
3) 燒熱平底鑊落油, 下已拌勻所有材料炒至熟透就ok啦!
我只係識得食
