當我正預備寫這篇 blog 時突然諗起都好耐無寫過有關煮蔬菜類文章. 嘻嘻.......咁就宜家同大家分享吓, 今晚想食西蘭花, 但我有唔想只用蒜蓉煮咁單調, 突然諗到不如用 "啤梨" 來清新健康煮法都好喎! 哈哈......家人好Like, 好快就同我 ko 晒碟餸啦!
材料
西蘭花 (2 個 - 切件), 啤梨 (2 個 - 切粒), 蒜頭 (6 粒 - 切碎)
調味料
清雞湯 (5 湯匙), 鹽 (少量), 糖 (半茶匙)
紹興酒 (半茶匙 - 贊酒用)
做法
1) 削去西蘭花莖部硬皮, 切件, 用鹽水浸一陣, 清洗乾淨. 用一鍋滾水加1 茶匙鹽灼 3 分鐘, 盛起放入冰水中過冷河.
2) 啤梨去皮及切粒, 備用.
3) 燒熱平底鑊落油, 下蒜蓉爆香, 加入西蘭花炒勻, 贊酒, 下清雞湯加蓋煮片刻, 下鹽及糖調味, 最後加入啤梨粒炒勻, 就可盛起食用.
請來 Facebook 主頁按"讚好"給我支持啦!
，一定好好味
